భారత మార్కెట్‌లోకి బెంజ్ కొత్త స్పోర్ట్స్ కార్లు

జర్మనీకి చెందిన లగ్జరీ కార్ల కంపెనీ మెర్సిడెజ్ బెంజ్ సోమవారం భారత మార్కెట్‌లోకి రెండు కొత్త స్పోర్ట్స్ కార్లను విడుదల చేసింది. ఎఎంజీ జీటీ రోడ్‌స్టర్, ఏఎంజీ జీటీ ఆర్ పేరుతో వచ్చిన ఈ కార్ల ధరలు వరసగా రూ. 2.19 కోట్లు, రూ. 2.23 కోట్లు. వీటిలో మెర్సిడెజ్ జీటీ రోడ్‌స్టర్ 476 హెచ్‌పీ పవర్‌ను, 630ఎన్ఎం టార్క్‌ను విడుదల చేస్తుంది. నాలుగు సెకన్లలోనే గంటకు 100 కి.మీ. వేగాన్ని అందుకుంటుంది. ఈ ఓపెన్ టాప్ కారులో సాఫ్ట్ టాప్ ఫ్యాబ్రిక్ రూఫ్ ఉంటుంది. దీన్ని మూడు రంగుల్లో అందిస్తున్నారు. ఇది తెరుచుకోవడానికి, ముడుచుకోవడానికి 11 సెకన్ల సమయం మాత్రమే పడుతుంది.

ఇక మెర్సిడెజ్ జీటీ ఆర్ విషయానికి వస్తే.. బుద్ధ ఇంటర్నేషనల్ సర్క్యూట్‌‌ని కేవలం 2.09.853 నిమిషాల్లో చుట్టొచ్చి అత్యంత వేగంగా లాప్ పూర్తిచేసిన కారుగా నిలిచింది. దీనిలో ఉన్న 4.0 లీటర్ వి8 బైటర్బో ఇంజిన్ 585 హెచ్‌పీ పవర్‌ను 700ఎన్ఎం టార్క్‌ను విడుదల చేస్తుంది. మూడంకెల వేగాన్ని కేవలం 3.6 సెకెన్లలోనే అందుకుంటుంది. ఈ కారు అత్యంత వేగం గంటకు 318 కి.మీ.

యాక్టివ్ రేర్ వీల్ స్టీరింగ్, సరికొత్త డిజైన్, ఏఎంజీ రైడ్ కంట్రోల్ స్పోర్ట్స్ సస్పెన్షన్, ట్రాక్షన్ కంట్రోల్, లైట్‌వెయిట్ ఏఎంజీ పెర్ఫార్మె్న్స్‌‌తో కూడిన 10 ట్విన్ స్పోక్ అల్లాయ్ వీల్స్, కార్బన్ ఫైబర్ రూఫ్ వంటివి జీటీ ఆర్ ఇతర ప్రధాన ఆకర్షణలు. జీటీ రోడ్‌స్టర్, జీటీ ఆర్ రెండింటికి సరికొత్త పాన్‌అమెరికన గ్రిల్‌ను అమర్చారు. అలాగే వీటికి సెవెన్ స్పీడ్ స్పోర్ట్స్ ట్రాన్స్‌మిషన్ ఉంది.
And a quick recap of the #AMG GT Roadster from @MercedesBenzInd pic.twitter.com/qxtfqZk3V8 — Shubhodeep (@ShubhodeepTOI) August 21, 2017