Mobile Phones: పోగొట్టుకున్న ఫోన్లు లేదా దొంగతానానికి గురైన మొబైల్స్‌ను ట్రాక్ చేసి బ్లాక్ చేసే సరికొత్త సాంకేతికతను ఈ వారమే ప్రభుత్వం దేశవ్యాప్తంగా అమలు చేయనున్నట్లు తెలుస్తోంది. దీనికి సంబంధించి ఏర్పాట్లు ఇప్పటికే పూర్తయినట్లు ఒక ఉన్నతాధికారి చెప్పారు. 'సెంటర్ ఫర్ డిపార్ట్‌మెంట్ ఆఫ్ టెలిమేటిక్స్ (CDoT) ఈ వ్యవస్థను అభివృద్ధి చేయగా.. ఇప్పటికే పైలట్ ప్రాజెక్టు కింద కొన్ని రాష్ట్రాల్లో అమలు చేస్తున్నట్లు కూడా వెల్లడించారు. సెంట్రల్ ఎక్విప్‌మెంట్ ఐడెంటిటీ రిజిస్టర్ (CEIR) వ్యవస్థను మే 17న దేశవ్యాప్తంగా అమలు చేసే అవకాశాలు పుష్కలంగా ఉన్నాయని సదరు అధికారి చెప్పుకొచ్చారు. CDoT సీఈఓ రాజ్‌కుమార్ ఉపాధ్యాయ్ మాత్రం దీని తేదీని ఇంకా ధ్రువీకరించలేదు.
అయితే ఈయన తేదీ చెప్పకపోయినా దేశవ్యాప్తంగా అమలు చేసేందుకు చూస్తున్నామని స్పష్టం చేశారు. అందుకు అవసరమైన వ్యవస్థ సిద్ధంగానే ఉంది చెప్పుకొచ్చారు. మొబైల్ ఫోన్‌ను విక్రయించడం కంటే ముందే దాని IMEI నంబర్ బహిర్గతం చేయాలనేది నిబంధన. ఈ అధీకృత IMEI నంబర్స్ జాబితా.. మొబైల్ నెట్‌వర్క్‌ల వద్ద ఉంటుంది.
ఒకవేళ ఏమైనా అనధికారిక మొబైల్స్.. తమ నెట్‌‌వర్క్‌లోకి వస్తే టెలికాం సంస్థలు వెంటనే గుర్తించగలుగుతాయి. CEIR వ్యవస్థ, మొబైల్ నెట్‌వర్క్‌ల వద్ద ఐఎంఈఐ నంబర్లు, వాటికి అనుసంధానంగా ఉండే మొబైల్ నంబర్ల జాబితా కూడా ఉంటుంది. ఈ సమాచారంతోనే పోయిన మొబైల్ ఫోన్లను ట్రాక్ చేసి, బ్లాక్ చేస్తారు. దీనితో మొబైల్ ఫోన్ల దొంగతనాలు కూడా తగ్గే అవకాశం ఉందని చెబుతున్నారు నిపుణులు. ఇంకా దొంగలను గుర్తించడం కూడా పోలీసులకు సులభం అవుతుంది.
డెబిట్ కార్డు వాడుతున్నారా.. అయితే ఈ 7 విషయాలు కచ్చితంగా తెలుసుకోవాల్సిందే.. లేదంటే!
- Read Latest Business News and Telugu News