మోదీ బంపరాఫర్.. హోమ్ లోన్‌ తీసుకుంటే రూ.2.3 లక్షల తగ్గింపు!

ఇంటి కోసం లోన్ తీసుకోవాలని భావిస్తున్నారా? అయితే మీ కోసం మోదీ సర్కార్ అదిరిపోయే స్కీమ్‌ను అందుబాటులో ఉంచింది. దీని పేరు హౌసింగ్ ఫర్ ఆల్. కేంద్ర ప్రభుత్వం ఎంతో ప్రతిష్టాత్మకంగా ఈ స్కీ్మ్‌ను అమలు చేస్తోంది. మీరు ప్రధాన్ మంత్రి అవాస్ యోజన (అర్బన్) కింద కొత్త ఇంటిని కొనుగోలు చేయాలని భావిస్తే.. ఇదే సరైన సమయం. పీఎం అవాస్ యోజన (అర్బన్)పై క్రెడిట్ లింక్డ్ సబ్సిడీ స్కీమ్ అందుబాటులో ఉంది. అర్హత కలిగిన వారు లోన్‌పై చెల్లించే వడ్డీ మొత్తంలో సబ్సిడీ పొందొచ్చు. సబ్సిడీ ప్రయోజనం 2020 మార్చి 31 వరకు మాత్రమే అందుబాటులో ఉంటుంది. అంటే అటుఇటుగా ఇంకా 180 రోజులు ఈ సదుపాయం పొందొచ్చు. తర్వాత సబ్సిడీ ప్రయోజనం ఉండదు. అందుకే ఇప్పుడు హోమ్ లోన్ తీసుకుంటే మంచిది.

క్రెడిట్ లింక్డ్ సబ్సిడీ స్కీమ్ (సీఎల్ఎస్ఎస్) రెండు రకాలుగా ఉంటుంది. ఎంఐజీ 1, ఎంఐజీ 2 అనే రెండు కేటగిరిలు ఉంటాయి. 6,00,001 నుంచి రూ.12,00,000 మధ్యలో వార్షిక ఆదాయం ఉన్న వారు ఎంఐజీ 1 కిందకు వస్తారు. అదే 12,00,001 నుంచి రూ.18,00,000 మధ్యలో ఆదాయం ఉంటే ఎంఐజీ 2 కిందకు వస్తారు. ఎంఐజీ 1 కింద రూ.2,35,068, ఎంఐజీ 2 కింద రూ.2,30,156 సబ్సిడీ పొందొచ్చు.

Also Read: undefined

ఎంఐజీ 1 కేటగిరిలోని అర్హత కలిగిన కస్టమర్లు రూ.9 లక్షల వరకు హోమ్ లోన్‌పై 5 శాతం వడ్డీ సబ్సిడీ పొందొచ్చు. అలాగే ఎంఐజీ 2 కేటగిరిలోని అర్హత కలిగిన కస్టమర్లు రూ.12 లక్షల లోన్‌పై 3 శాతం వడ్డీ సబ్సిడీ వస్తుంది. కొంత మంది బ్యాంకుల నుంచి ఇంకా ఎక్కువ మొత్తాన్ని రుణం కింద పొందొచ్చు. అయితే వడ్డీ సబ్సిడీ మాత్రం పైన పేర్కొన్న రుణ మొత్తం వరకే లభిస్తుంది.

Also Read: undefined

ఉదాహరణకు ఎంఐజీ 2 కేటగిరిలోని అర్హత కలిగిన వారు రూ.36 లక్షల వరకు హోమ్ లోన్ తీసుకుంటే.. అప్పుడు తొలి రూ.12 లక్షల రుణ మొత్తానికి వడ్డీ రేటులో 3 శాతం సబ్సిడీ లభిస్తుంది. ఇక మిగిలిన రూ.24 లక్షల లోన్ మొత్తంపై రెగ్యులర్ వడ్డీ రేటు వర్తిస్తుంది. దీంతో హోమ్ లోన్ తీసుకున్న వారికి ప్రయోజనం కలుగుతుంది.

Also Read: undefined