Ambani: ముకేశ్ అంబానీ సంచలన నిర్ణయం.. కంపెనీకి రాజీనామా!

Reliance Industries: ముకేశ్ అంబానీ కీలక నిర్ణయం తీసుకున్నారు. రిలయన్స్ జియో బోర్డు డైరెక్టర్ పదవికి రాజీనామా చేశారు. ముకేశ్ అంబానీ కుమారుడు ఆకాశ్ అంబానీ కొత్త చైర్మన్‌‌గా నియమితులయ్యారు. రిలయన్స్ జియో బోర్డు తాజాగా ఈ విషయాన్ని వెల్లడించింది. జూన్ 27 నుంచి ముకేశ్ అంబానీ రాజీనామా అమలులోకి వచ్చింది. అలాగే పంకజ్ మోహన్ పవర్ కంపెనీ మేనేజింగ్ డైరెక్టర్‌గా బాధ్యతలు చేపట్టనున్నారు.అలాగే రమీందర్ సింగ్ గుజ్రాల్, కేవీ చౌదరీ వంటి వాళ్లు అదనపు డైరెక్టర్లుగా ఉంటారు. అలాగే స్వతంత్ర డైరెక్టర్ హోదా ఉంటుంది. కాగా ఆకాశ్ అంబానీ ఇది వరకు కంపెనీ నాన్ ఎగ్జిక్యూటివ్ డైరెక్టర్‌గా ఉన్నారు. రిలయన్స్ జియో కొత్త చైర్మన్‌గా ఆకాశ్ అంబానీతో పాటు ఇతరులు కూడా ఐదేళ్ల పాటు పదవిలో కొనసాగుతారు. 2022 జూన్ 27 నుంచి వీళ్ల టెన్యూర్ అమలులోకి వస్తుంది.

Also Read: undefined

2022 జూన్ 27న కంపెనీ బోర్డు ఆఫ్ డైరెక్టర్లు సమావేశం అయ్యారు. ఇందులో ఈ కీలక నిర్ణయాలు తీసుకున్నారు. రిలయన్స్ జియో స్టాక్స్ ఎక్స్చేంజీలకు ఈ విషయాన్ని తెలియజేసింది. కొత్త చైర్మన్‌గా ప్రస్తుతం నాన్ ఎగ్జిక్యూటివ్ డైరెక్టర్‌గా ఉన్న ఆకాశ్ అంబానీ నియామకానికి ఆమోదం తెలిపామని పేర్కొంది. కాగా రిలయన్స్ జియో దేశంలో అతిపెద్ద టెలికం కంపెనీగా కొనసాగుతూ వస్తున్న విషయం తెలిసిందే. ఏప్రిల్ నెలలో జియో సబ్‌స్క్రైబర్ల సంఖ్య 16.8 లక్షల మేర పెరిగింది. కాగా కంపెనీ నికర లాభం 2021-22 ఆర్థిక సంవత్సరం క్యూ4లో 4,173 కోట్లుగా నమోదు అయ్యింది. మూడో త్రైమాసికంలో కంపెనీ నికర లాభం రూ. 3615 కోట్లుగా ఉంది. అలాగే స్టాండలోన్ రెవెన్యూ రూ. 20,901 కోట్లుగా ఉంది. వార్షికంగా చూస్తే ఇందులో 20.4 శాతం పెరుగుదల నమోదు అయ్యింది.

రిలయన్స్ జియో కొత్త సేవలు
మరోవైపు రిలయన్స్ ఇండస్ట్రీస్ డిజిటల్ సర్వీసెస్ విభాగం రిలయన్స్ జియో కొత్త సర్వీసులు అందుబాటులోకి తీసుకువచ్చింది. ఫైల్ షేరింగ్ ప్లాట్‌ఫామ్ డిజిబాక్స్‌తో భాగస్వామ్యం కుదుర్చుకుంది. స్టోరేజ్ సొల్యూషన్స్‌ను ఆవిష్కరించనుంది. డిజిబాక్స్ 2020లో ఏర్పాటు అయ్యింది. ఇది డిజిటల్ ఫైల్ స్టోరేజ్, డిజిటల్ అసెట్ మేనేజ్‌మెంట్ ప్లా్ట్‌ఫామ్. ఇండివీజువల్స్, బిజినెస్‌లకు ఈ సంస్థ సేవలు అందిస్తోంది. జియో ఫోటోస్ యాప్ ద్వారా డిజిబాక్స్‌లో లాగిన్ అయితే మొత్తంగా 30 జీబీ వరు ఉచిత స్టోరేజ్ పొందొచ్చు.

Also Read: undefined