యాప్నగరం

Billionaires India: భారత్‌లో బిలియనీర్లు ఎక్కువగా ఉంది ఈ నగరంలోనే.. ఒకే చోట ఇంత మందేంటి..?

Billionaires: ఇటీవల ప్రపంచ కుబేరుల్లో టాప్-10 సహా భారతదేశంలోని బిలియనీర్ల గురించి పలు కీలక విషయాలు వెల్లడించింది హురూన్ గ్లోబల్ రిచ్ లిస్ట్ (Hurun Golbal Rich List). దీని ప్రకారం భారత్‌లో మొత్తం 187 మంది బిలియనీర్లు ఉన్నారు. అయితే ఇందులో ఎక్కువ మంది ఉన్న నగరం ఏంటో తెలుసా?

Authored byపూర్ణచందర్ తూనం | Samayam Telugu 2 Apr 2023, 12:48 pm
Billionaires India: ప్రపంచ దేశాలతో పోటీ పడే స్థాయికి భారతదేశం చేరింది. ఇప్పుడు ప్రపంచ దిగ్గజ కంపెనీలకు చాలా వాటిల్లో భారతీయులు లేదా భారత సంతతికి చెందిన వారు సారథ్యం వహిస్తున్న సంగతి తెలిసిందే. వీటిల్లో గూగుల్ (Google), అల్ఫాబెట్ సీఈఓగా సుందర్ పిచాయ్, మైక్రోసాఫ్ట్ (Microsoft) సీఈఓగా సత్యనాదెళ్ల, అడోబ్ సీఈఓగా శాంతను నారాయణ్, ఐబీఎం సీఈఓగా అరవింద్ కృష్ణ వంటి వారు ఉన్న సంగతి తెలిసిందే. మరోవైపు భారత సంతతికి చెందిన అజయ్ బంగా.. వరల్డ్ బ్యాంక్ ప్రెసిడెంట్‌గా (World Bank President) కూడా నియమితులు కాబోతున్నారు. ఇప్పటికే అమెరికా అధ్యక్షుడు జో బైడెన్ ఈయనను సిఫార్సు చేశారు. ఈ నేపథ్యంలోనే భారత్‌లో బిలియనీర్లకు కూడా కొదవేలేదు. ఇటీవల హురూన్ గ్లోబల్ రిచ్ లిస్ట్, M3M కలిసి సంయుక్తంగా బిలియనీర్ల గురించి పలు కీలక విషయాలు వెల్లడించింది. ఇక ఈ లిస్ట్‌లో ప్రపంచ కుబేరుల టాప్-10 లో ముకేశ్ అంబానీ చోటు సంపాదించారు.
Samayam Telugu billionaires


మరోవైపు.. భారత్‌లో మొత్తంగా 187 మంది బిలియనీర్లు నివసిస్తున్నట్లు పేర్కొంది. ఇక భారత సంతతికి చెందిన వారిని కలిపితే ఈ సంఖ్య కాస్త ఎక్కువే ఉంటుంది. వీరిల్లో ఎక్కువగా ఏ నగరంలో ఉంటున్నారన్న దానిపై పెద్ద చర్చే నడిచింది. ఇదే క్రమంలో భారత ఆర్థిక రాజధానిగా ఉన్న ముంబయిలోనే ఎక్కువ మంది భారతీయ బిలియనీర్లు ఉంటున్నట్లు తేలింది. 187 మందిలో 66 మంది ముంబయిలోనే ఉన్నారట. ఇక 39 మంది బిలియనీర్లతో దేశ రాజధాని దిల్లీ రెండో స్థానంలో ఉంది. భారత టెక్ హబ్‌గా ఉన్న బెంగళూరు 21 మంది బిలియనీర్లకు ఆవాసంగా ఉందంట.
Gautam Adani: అదానీకి దెబ్బ మీద మరో దెబ్బ.. అస్సలు కోలుకోనివ్వని NSE, BSE.. మళ్లీ నిఘా షురూ!
భారత్‌లో అత్యధిక ధనవంతుడిగా, ఆసియాలో కూడా అపర కుబేరుడిగా నంబర్ వన్ స్థానంలో ఉన్న రిలయన్స్ ఇండస్ట్రీస్ అధినేత ముకేశ్ అంబానీది ముంబయి అని తెలిసిందే. దక్షిణ ముంబయిలోని ఆంటిలియాలో ఈయన నివాసం ఉంటున్నారు. ఇది ప్రపంచంలోని అతిపెద్ద, అత్యంత ఖరీదైన పైవేట్ ఇళ్లల్లో ఒకటిగా ఉంది. ఇక కుమార మంగళం బిర్లా, దిలీప్ షాంఘ్వి, ఉదయ్ కొటక్ వంటివారు కూడా ఈ ముంబయిలోనే నివసిస్తున్నారు. ఇక ఎక్కువ మంది బిలియనీర్లను పుట్టిస్తున్న నగరాల జాబితాలోనూ ముంబయి, దిల్లీ, బెంగళూరు ప్రపంచవ్యాప్తంగా టాప్-25 జాబితాలో చోటు సంపాదించాయి. భారత్‌లోని బిలియనీర్లలో ఈ 3 నగరాల వాటానే 67 శాతం వరకు ఉంది.

భారత కుబేరుల్లో టాప్-10 లో ఉన్న శివ్ నాడార్ అండ్ ఫ్యామిలీ దిల్లీలో నివాసం ఉంటోంది. దిగ్గజ వ్యాపారవేత్త, భారత రెండో అత్యధిక ధనవంతుడు గౌతమ్ అదానీ గుజరాత్‌లోని అహ్మదాబాద్‌లో ఉంటారు. సీరం ఇన్‌స్టిట్యూట్ ఆఫ్ ఇండియా ఫౌండర్ సైరస్ పూనావాలా పుణెలో ఉంటారు.

Gautam Adani: తగ్గేదేలే.. దేశంలో మరిన్ని ఎయిర్‌పోర్ట్స్ నిర్వహిస్తాం.. అదానీ గ్రూప్ ప్రకటన.. ప్రైవేటీకరణ ఉందా? Hindenburg Research: మరో బాంబ్ పేల్చిన హిండెన్‌బర్గ్.. ఇప్పుడు అదానీని మించి ఉంటుందంటూ వార్నింగ్.. టార్గెట్ ఎవరు?

రచయిత గురించి
పూర్ణచందర్ తూనం
తూనం పూర్ణ చందర్ సమయం తెలుగులో డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ రోజూ బిజినెస్‌ రంగానికి సంబంధించిన వార్తలు రాస్తుంటారు. పర్సనల్ ఫైనాన్స్, ఇన్వెస్ట్‌మెంట్స్, మ్యూచువల్ ఫండ్స్, స్టాక్ మార్కెట్లు, బంగారం వెండి ధరలపై ఎప్పటికప్పుడు అప్‌డేట్లు అందిస్తుంటారు. పూర్ణచందర్‌కు జర్నలిజంలో ఐదేళ్లకుపైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్ డెస్కుల్లో పనిచేశారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.