Rajalakshmi Vijay: జాగింగ్ చేస్తుండగా ఢీకొట్టిన కారు.. టెక్ కంపెనీ సీఈఓ దుర్మరణం.. ఎంత పనైంది!

Rajalakshmi Vijay: ముంబయిలో జరిగిన రోడ్డు ప్రమాదంలో ఒక టెక్ కంపెనీ సీఈఓ చనిపోయారు. ఆల్ట్రుయిస్ట్ టెక్నాలజీస్ (Altruist Technologies) బాస్ రాజలక్ష్మి విజయ్ కారు ఢీకొనగా ప్రాణాలు కోల్పోయారు. వర్లీ సముద్ర తీరంలో ఆదివారం ఉదయం ఆమె జాగింగ్ చేస్తుండగా.. ఒక్కసారిగా వేగంగా వచ్చిన కారు ఆమెను ఢీకొట్టింది. దీంతో ఆమె అంతెత్తున ఎగిరి పడ్డారు. తలకు తీవ్ర గాయాలు కాగా.. అక్కడికక్కడే చనిపోయినట్లు చూసినవారు చెబుతున్నారు. కారు డ్రైవర్‌ను అదుపులోకి తీసుకున్నారు. కోర్టులో హాజరుపర్చనున్నారు. ఒక టెక్ కంపెనీ చీఫ్ ఎగ్జిక్యూటివ్ ఆఫీసర్ చనిపోయిన నేపథ్యంలో.. ముంబయి టెక్ పరిశ్రమలో విషాద ఛాయలు నెలకొన్నాయి. కారు డ్రైవర్ మద్యం మత్తులో ఉన్నట్లు పోలీసులు అనుమానిస్తున్నారు.

ఇక రాజలక్ష్మి విషయానికి వస్తే ఆమె తరచూ జాగింగ్ చేస్తుంటారు. ఇటీవలే 2023 టాటా ముంబయి మారథాన్ కూడా పూర్తిచేశారు. ఆమె ఎప్పుడూ తన ఆరోగ్యం పట్ల శ్రద్ధ వహిస్తూ అన్ని కార్యక్రమాల్లో చురుగ్గా పాల్గొంటారని చెబుతున్నారు. ఈ క్రమంలో రోడ్డు ప్రమాదంలో మరణించడం జీర్ణించుకోలేకపోతున్నారు ఆమె కుటుంబసభ్యులు. మృతురాలి వయస్సు 57 సంవత్సరాలు.

ఆ కారు నడుపుతున్న వ్యక్తిని సుమెర్ ధర్మేష్ మర్చంట్‌గా గుర్తించారు. అతడిపై వివిధ కేసులు నమోదు చేసిన పోలీసులు.. కోర్టులో సోమవారం హాజరపర్చనున్నారు. పోలీస్ స్టేట్‌మెంట్‌లో మర్చంట్ పలు విషయాలు వెల్లడించాడు. అతడు ఈవెంట్ మేనేజ్‌మెంట్ కంపెనీలో పనిచేస్తున్నాడు. ఇక తన ఇంట్లో పార్టీ జరిగిన అనంతరం తన ఫ్రెండ్‌తో కలిసి మహిళా సహోద్యోగిని ఇంటి దగ్గర డ్రాప్ చేసేందుకు వెళ్తుండగా ప్రమాదం జరిగిందని చెప్పాడు. అయితే.. పార్టీ జరిగిందని చెప్పిన నేపథ్యంలో అతడు నిద్ర మత్తులో ఉన్నాడా, మద్యం సేవించాడా అనే అనుమానంతో అతడి దగ్గర సాంపిల్స్ తీసుకున్నారు. తదుపరి విచారణ జరుగుతోంది.

Mobile Payments: అలా పేమెంట్లు అస్సలు చేయకండి.. సరికొత్త మోసం తెరపైకి.. 81 మంది దగ్గర రూ. కోటి లాగారు.. PPF Account: ఈ ప్రభుత్వ పథకం కోటీశ్వరుల్ని చేస్తుంది.. వడ్డీతోనే రూ.కోటికిపైగా లాభం.. ఇన్వెస్ట్‌మెంట్ తక్కువే..!

• Read Latest Business News and Telugu News