మూడు కంపెనీలు నాన్ కన్వర్టిబుల్ డిబెంచర్ల (ఎన్సీడీ) జారీ ద్వారా నిధులు సమీకరించేందుకు రెడీ అయ్యాయి. ఇందులో ఎల్అండ్టీ ఫైనాన్స్, మాగ్మ ఫిన్కార్ప్, ముతూట్ హోమ్ఫిన్ సంస్థలున్నాయి. వీటి ఎన్సీడీ జారీ సోమవారం ప్రారంభమౌతుంది. అలాగే శ్రీరామ్ సిటీ యూనియన్ ఫైనాన్స్ కూడా ఎన్సీడీలను జారీ గతీ వారంలోనే ప్రారంభమైన విషయం తెలిసిందే. ఆకర్షణీయ వడ్డీ రేటు వీటి ప్రత్యేకత. ఇన్వెస్టర్లు వీటిల్లో ఇన్వెస్ట్ చేయడం ద్వారా అధిక రాబడులు పొందొచ్చు. సమీప కాలంలో వడ్డీ రేట్లు తగ్గే అవకాశం ఉంది. అందువల్ల రానున్న కాలంలో జారీ అయ్యే ఎన్సీడీలు తక్కువ వడ్డీ రేటు కలిగి ఉండొచ్చు. అందువల్ల వీటిని ఇప్పుడు సబ్స్క్రైబ్ చేసుకుంటే అధిక రాబడి సొంతం చేసుకోవచ్చు.
మాగ్మ ఫిన్కార్ప్ సంస్థ 3 ఏళ్ల కాలాపు ఎన్సీడీలపై 10.25 శాతం, 5 ఏళ్ల కాలపు ఎన్సీడీలపై 10.50 శాతం వడ్డీని అందిస్తోంది. ముతూట్ హోమ్ఫిన్ 24 నెలల కాలపు ఎన్సీడీలకు 9.5 శాతం, 60 నెలల కాలపు ఎన్సీడీలకు 10 శాతం వడ్డీ రేటును అందిస్తోంది. అలాగే ఎల్అండ్టీ ఫైనాన్స్ 3,5,8 ఏళ్ల కాల పరిమితుల్లో ఎన్సీడీలను జారీ చేస్తోంది. వీటి వడ్డీ రేటు 8.66-9.05 శాతం శ్రేణిలో ఉంది.
శ్రీరామ్ సిటీ యూనియన్ ఫైనాన్స్ 2,3,5 ఏళ్ల కాల పరిమితుల్లోఎన్సీడీలను ఇష్యూ చేస్తోంది. వీటి రేటు 9.55-9.75 శాతం శ్రేణిలో ఉంది. వీటిల్లో ఇన్వెస్ట్ చేయడం వల్ల నెలకు లేదా వార్షికంగా వడ్డీ పొందొచ్చు. అలాగే ఒకేసారి వడ్డీ మొత్తం పొందే ఆప్షన్ కూడా అందుబాటులో ఉంది. కనీసం రూ.10,000లతో వీటికి అప్లై చేసుకోవచ్చు.
ఎన్సీడీల్లో ఇన్వెస్ట్ చేసే ముందు కంపెనీ క్రెడిట్ ప్రొఫైల్ చూడాలి. ఏఏఏ రేటింగ్ ఉన్న కంపెనీల్లో ఇన్వెస్ట్మెంట్లకు అధిక భరోసా ఉంటుంది. అయితే వీటిల్లో మనం తక్కువ కూపన్ రేటు ఉంటుంది. ఇన్వెస్టర్లు కేవలం క్రెడిట్ రేటింగ్ మాత్రమే కాకుండా గత రీపేమెంట్ చరిత్రను కూడా గమనించండి.
మాగ్మ ఫిన్కార్ప్ సంస్థ 3 ఏళ్ల కాలాపు ఎన్సీడీలపై 10.25 శాతం, 5 ఏళ్ల కాలపు ఎన్సీడీలపై 10.50 శాతం వడ్డీని అందిస్తోంది. ముతూట్ హోమ్ఫిన్ 24 నెలల కాలపు ఎన్సీడీలకు 9.5 శాతం, 60 నెలల కాలపు ఎన్సీడీలకు 10 శాతం వడ్డీ రేటును అందిస్తోంది. అలాగే ఎల్అండ్టీ ఫైనాన్స్ 3,5,8 ఏళ్ల కాల పరిమితుల్లో ఎన్సీడీలను జారీ చేస్తోంది. వీటి వడ్డీ రేటు 8.66-9.05 శాతం శ్రేణిలో ఉంది.
ఎన్సీడీల్లో ఇన్వెస్ట్ చేసే ముందు కంపెనీ క్రెడిట్ ప్రొఫైల్ చూడాలి. ఏఏఏ రేటింగ్ ఉన్న కంపెనీల్లో ఇన్వెస్ట్మెంట్లకు అధిక భరోసా ఉంటుంది. అయితే వీటిల్లో మనం తక్కువ కూపన్ రేటు ఉంటుంది. ఇన్వెస్టర్లు కేవలం క్రెడిట్ రేటింగ్ మాత్రమే కాకుండా గత రీపేమెంట్ చరిత్రను కూడా గమనించండి.