Ola Electric: రికార్డులు బద్దలు కొడుతున్న ఓలా ఎలక్ట్రిక్.. ఒక్క నెలలోనే 27 వేల స్కూటర్ల అమ్మకాలు.. తెగ డిమాండ్

Ola Electric: ఓలా ఎలక్ట్రిక్ తన విద్యుత్ స్కూటర్ల విక్రయాల్లో దూసుకెళ్తోంది. 2023 మార్చి నెలలో 27 వేల కంటే ఎక్కువ యూనిట్లు విక్రయించి.. తన మార్కెట్ విలువను ఏకంగా 30 శాతానికి విస్తరించింది. ఇక గత 7 నెలలుగా తన రికార్డులను తానే బద్దలు కొంటుకుంటున్నట్లు వివరించింది ఓలా ఎలక్ట్రిక్. ప్రస్తుతం ఎలక్ట్రిక్ వెహికిల్ మార్కెట్‌లో ఈ బెంగళూరు కేంద్రంగా పనిచేసే కంపెనీ అగ్రగామిన ఉంది. ఇక టీవీఎస్ ఐక్యూబ్, బజాజ్ చేతక్, ఆథర్ 450X, హీరో మోటోకార్ప్ ఇటీవల విడుదల చేసిన VIDA V1 సిరీస్‌లతో పోటీపడుతోంది. అయితే.. ఓలా ఎలక్ట్రిక్ స్కూటర్ల కోసం జనం ఇటీవలి కాలంలో మంచి ఆసక్తి కనబరుస్తున్నారు.

ఓలా ఎలక్ట్రిక్.. తన కొత్త S1 ఎయిర్ ఎలక్ట్రిక్ స్కూటర్ ప్రారంభ ధరను రూ.79,999గా నిర్ణయించింది. ఇక ఇదే సమయంలో కొత్త ఆర్థిక సంవత్సరంలో భారీ ఎత్తున విస్తరణ కోసం.. సమృద్ధిగా నిధులు వెచ్చించాలని చూస్తోంది కంపెనీ. ఇలాంటివే మరో 50కి పెంచాలని యోచిస్తోంది. తమ వినియోగదారుల్లో 90 శాతం మంది ఈ కేంద్రాలకు 20 కిలోమీటర్ల పరిధిలో నివసిస్తున్నారని పేర్కొంది కంపెనీ.

IT Jobs: గుడ్‌న్యూస్.. మాంద్యం భయాలున్నా ఈ దిగ్గజ భారతీయ ఐటీ కంపెనీ ఉద్యోగాల ప్రకటన.. పెద్ద ఊరట!

రానున్న రెండేళ్లలో కంపెనీ మరింత విస్తరణ దిశగా ప్రయత్నాలు చేస్తోంది. ఇందుకోసం ప్రణాళికలు సిద్ధం చేసుకుంది. విస్తరణకు, ఇంకా కార్పొరేట్ అవసరాలు తీర్చుకునేందుకు.. 300 బిలియన్ డాలర్ల వరకు నిధులు సేకరించాలని ఆలోచిస్తోంది. ఈ నిధుల సేకరణను ఇన్వెస్ట్‌మెంట్ బ్యాంక్ గోల్డ్‌మన్ శాక్స్ నిర్వహిస్తోంది. ఓలా ఎలక్ట్రిక్ వాహనాల భద్రతకు సంబంధించి గతంలో వివాదాలు చుట్టుముట్టినప్పటికీ, ప్రస్తుతం దేశీయంగా విద్యుత్ వాహనాల అమ్మకాల్లో టాప్ ప్లేయర్‌గా ఉంది. దాదాపు బిలియన్ డాలర్ల వార్షిక రాబడిని ఇది కలిగి ఉంది.

ChatGPT: లేటెస్ట్ సెన్సేషన్ చాట్‌జీపీటీని బ్యాన్ చేసిన యూరప్ దేశం.. ఆ భయాలే కారణమా.. అందరిలోనూ ఇవే ప్రశ్నలు! Bank Holidays: 11 రోజులు బ్యాంకులు బంద్.. ఏప్రిల్ ఫుల్ లిస్ట్ ఇదే.. పనులుంటే త్వరగా చూస్కోండి..

• Read Latest Business News and Telugu News