యాపిల్ ఉత్పత్తులపై పేటీఎం బంపరాఫర్లు!

నోట్ల రద్దు తర్వాత డిజిటల్ లావాదేవీలతో పాపులర్ అయిన పేటీఎం తన వినియోగదారుల కోసం సరి కొత్త ఆఫర్లు ప్రకటించింది. ఐఫోన్, మ్యాక్ బుక్ మోడల్స్ లాంటి యాపిల్ ఉత్పత్తులపై ది గ్రేట్ యాపిల్ సేల్ ప్రారంభించింది. ఫిబ్రవరి 14 -16 మధ్య పేటీఎం ద్వారా మ్యాక్ బుక్ కొనుగోలుచేసిన వారికి రూ.20వేల వరకు క్యాష్ బ్యాక్ ఇవ్వనున్నట్టు ప్రకటించింది. అయితే ఎంపికచేసిన మోడళ్లపై మాత్రమే ఈ క్యాష్ బ్యాక్ వర్తిస్తుందంటూ షరతులు విధించింది.
15
అంగుళాలు యాపిల్ మ్యాక్ బుక్ ధర ప్రస్తుతం రూ.1,50,000గా ఉంది. దీనిపై కొనుగోలుదారులకు రూ.20వేల వరకు క్యాష్‌ బ్యాక్ లభిస్తుంది. అంతే కాకుండా మరికొన్ని యాపిల్ ప్రోడక్ట్స్‌పై కూడా పేటీఎం ఆఫర్లను ప్రకటించింది. ఐఫోన్ 7 (256 జీబీ మొమెరీ)ను పేటీఎం ద్వారా కొనుగోలు చేస్తే రూ.12వేల క్యాష్ బ్యాక్ అందించనున్నట్టు తెలిపింది. దీని ధర పేటీఎంలో రూ.92వేలుగా పేర్కొంది.

క్యాష్ బ్యాక్ మొత్తాన్ని ఐటమ్ డెలివరీ చేసిన 24 గంటల్లోగా వినియోగదారుల పేటీఎం ఖాతాల్లో జమ చేస్తామని ప్రకటించింది. అయితే ఈ ఆఫర్లు క్యాష్ ఆన్ డెలివరీపై మాత్రం లేవని తెలిపింది. అలాగే రూ.65 వేలు విలువైన 128జీబీ మొమెరీ ఐఫోన్ 7 కొంటే రూ.7500, రూ.46వేలు విలువైన 32జీబీ ఐఫోన్ 6ఎస్ కొంటే రూ.6000, రూ.65వేల విలువైన యాపిల్ ఐప్యాడ్ ప్రో కొంటే రూ.9000, యాపిల్ వాచ్ కొనుగోలు చేసిన వారికి రూ.4500 వరకు క్యాష్‌ బ్యాక్ చెల్లించనున్నట్లు పేటీఎం పేర్కొంది.