పెన్షనర్లకు అలర్ట్.. ఇంకా 3 రోజులే సమయం, లేదంటే పెన్షన్ కట్!

పెన్షన్ పొందడంలో ఎలాంటి ఇబ్బందులు రాకుండా ఉండాలంటే ఎప్పటికప్పుడు పెన్షనర్లు అప్‌డేట్‌గా ఉండాలి. ప్రస్తుతం రక్షణ మంత్రిత్వ శాఖ తన పెన్షనర్లను అలర్ట్ చేస్తోంది. రక్షణ మంత్రిత్వ శాఖతో సంబంధం ఉన్న పెన్షనర్లందరూ తమ యాన్యువల్ ఐడెంటిఫికేషన్‌ను(జీవన ప్రమాణ పత్రాన్ని) ఈ నెల 25 నాటికల్లా పూర్తిచేయాలని రక్షణ మంత్రిత్వ శాఖ సూచిస్తోంది. మే 25 లేదా ఆ లోపల పెన్షనర్లు తమ జీవన పత్రాన్ని సమర్పించి.. నిరాటంకంగా pension పొందేలా చూసుకోవాలని తెలిపింది. లేదంటే పెన్షన్ ఆగిపోతుందని తెలిపింది. Ministry of Defence దగ్గరున్న డేటా ప్రకారం.. ఇంకా ఎంత మంది ఈ పనిని పూర్తి చేయలేదో పరిశీలించింది. రక్షణ శాఖకు చెందిన 43,774 మంది పెన్షనర్లు ఆన్‌లైన్ సిస్టమ్ స్పర్ష్‌లోకి మారినట్టు ఈ డిపార్ట్‌మెంట్ తెలిపింది. అయితే వీరు ఇంకా జీవన పత్రాన్ని సమర్పించాల్సి ఉందని పేర్కొంది. తక్షణమే ఈ పెన్షనర్లందరూ తమ యాన్యువల్ ఐడెంటిటీ కార్డును సమర్పించాలని ఆదేశించింది. జీవన పత్రాన్ని సమర్పించేందుకు ఈ నెల 25నే తుది గడువుగా ఉందని రక్షణ మంత్రిత్వ శాఖ తెలిపింది. ఒకవేళ ఈ లోపల ఈ పనిని పూర్తి చేయకపోతే... పెన్షన్ పొందడం కష్టమని చెప్పింది. ఇప్పటి వరకు 40 వేల మందికి పైగా పెన్షనర్లు ఈ పనిని పూర్తి చేయలేదు. దానికి తోడు ఇంకా మూడు రోజులే సమయం ఉంది.

Also read : VAT On Petrol : వాహనదారులకు గుడ్‌న్యూస్ చెప్పిన రాష్ట్రాలు, భారీగా తగ్గనున్న ధరలు
ఆన్‌లైన్‌లో జీనవ పత్రాన్ని ఎలా జనరేట్ చేయాలి..?
దీనిని మీ పీసీ లేదా మొబైల్‌లో ‘జీవన్ ప్రమాణ్ అప్లికేషన్’ను ఇన్‌స్టాల్ చేయండం ద్వారా పూర్తి చేసుకోవచ్చు. https://jeevanpramaan.gov.in portal నుంచి దరఖాస్తు ఫామ్‌ను డౌన్ లోడ్ చేసుకోవాలి. ఒకసారి ధ్రువీకరణ అయిన తర్వాత ప్రూఫ్ ఐడీ జనరేట్ అవుతుంది. పెన్షనర్లు https://jeevanpramaan.gov.in/ppouser/login వెళ్లి కూడా డిజిటల్ లైఫ్ సర్టిఫికేట్‌ను డౌన్ లోడ్ చేసుకోవచ్చు.

జీవన ప్రమాణ పత్రాన్ని ఎక్కడి నుంచి కూడా పొందొచ్చు..?
దేశవ్యాప్తంగా ఉన్న సిటిజన్ సర్వీస్ సెంటర్లలలో ఇది లభ్యమవుతుంది.
పోస్టాఫీసు, బ్యాంకులు, ట్రెజరీల వంటి పింఛను పంపిణీ ఏజెన్సీలలో కూడా ఇది లభిస్తుంది.
విండోస్ పీసీ నుంచి కూడా దీన్ని డౌన్ లోడ్ చేసుకోవచ్చు.

Also read : Ola Electric : కీలక నిర్ణయం తీసుకున్న కంపెనీ, ఇక ఆ బైకుపై...

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.