Personal Loan Interest Rate Compared For State Bank Of India, Pnb, Hdfc Bank
HDFC Bank vs SBI: పర్సనల్ లోన్ ఏ బ్యాంక్‌లో తీసుకుంటే బెస్ట్? పూర్తి వివరాలు!
డబ్బుతో ఎప్పుడు ఎలాంటి అవసరం పడుతుందో ఊహించడం చాలా కష్టం. అనుకోకుండానే డబ్బుతో అవసరం పడొచ్చు. ఇలాంటప్పుడు చేతిలో మనీ ఉంటే పర్వాలేదు. లేకపోతే స్నేహితులు లేదా బంధువుల సాయం తీసుకోవాలి. వీరు కూడా హ్యాండిస్తే అప్పుడు బ్యాంకులు లేదా ఇతర ఆన్‌లైన్ లెండింగ్ ప్లాట్‌ఫామ్స్‌ వైపు చూడాల్సిందే.
Samayam Telugu18 Feb 2020, 12:23 pm
డబ్బుతో ఎప్పుడు ఎలాంటి అవసరం పడుతుందో ఊహించడం చాలా కష్టం. అనుకోకుండానే డబ్బుతో అవసరం పడొచ్చు. ఇలాంటప్పుడు చేతిలో మనీ ఉంటే పర్వాలేదు. లేకపోతే స్నేహితులు లేదా బంధువుల సాయం తీసుకోవాలి. వీరు కూడా హ్యాండిస్తే అప్పుడు బ్యాంకులు లేదా ఇతర ఆన్‌లైన్ లెండింగ్ ప్లాట్‌ఫామ్స్‌ వైపు చూడాల్సిందే.
Samayam TeluguHDFC Bank vs SBI: పర్సనల్ లోన్ ఏ బ్యాంక్‌లో తీసుకుంటే బెస్ట్? పూర్తి వివరాలు!
సులభంగానే లోన్.. కానీ వడ్డీ ఎక్కువ..
పర్సనల్ లోన్‌ను సులభంగానే పొందొచ్చు. తక్కువ డాక్యుమెంట్లతోనే రుణం తీసుకోవచ్చు. అయితే వడ్డీ రేటు మాత్రం ఎక్కువగా ఉంటుంది. పర్సనల్ లోన్స్ అన్‌ సెక్యూర్డ్ లోన్స్ కిందకు వస్తాయి. తనఖా లేకుండానే రుణం లభిస్తుంది. అందువల్ల వడ్డీ రేట్లు ఎక్కువగా ఉంటాయి.
పర్సనల్ లోన్ కింద తీసుకునే రుణ మొత్తాన్ని పలు అంశాలు ప్రభావితం చేస్తాయి. ఆదాయం, క్రెడిట్ స్కోర్, రీపేమెంట్ కెపాసిటీ సహా పలు ఇతర అంశాలు మీ పర్సనల్ లోన్ అమౌంట్‌ను నిర్ణయిస్తాయి.
బ్యాంక్ నుంచి పర్సనల్ లోన్ తీసుకునేటప్పుడు కొన్ని విషయాలు గుర్తు పెట్టుకోవాలి. రుణం కోసం అప్లై చేయడానికి ముందు ఏ ఏ బ్యాంకుల్లో ఎలాంటి వడ్డీలు ఉన్నాయి తెలుసుకోవాలి. అలాగే రుణంపై బ్యాంకులు ప్రాసెసింగ్ ఫీజు సహా ఎలాంటి ఇతర చార్జీలను వసూలు చేస్తున్నాయో గమనించాలి.
దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) పర్సనల్ లోన్స్‌పై 10.45 శాతం నుంచి వడ్డీ రేటు వసూలు చేస్తోంది. రుణంపై 16.55 శాతం వరకు వడ్డీ రేటు పడొచ్చు. రుణ మొత్తంలో 1 శాతాన్ని ప్రాసెసింగ్ ఫీజు కింద తీసుకుంటుంది.
మరో ప్రముఖ ప్రభుత్వ బ్యాంక్ పంజాబ్ నేషనల్ బ్యాంక్ (పీఎన్‌బీ) పర్సనల్ లోన్స్‌పై 9.95 శాతం నుంచి 14.50 శాతం మధ్యలో వడ్డీ రేటు విధిస్తోంది. కనీసం రూ.50,000 నుంచి రుణం పొందొచ్చు. ఈ బ్యాంక్ పర్సనల్ లోన్స్‌పై 1 శాతం ప్రాసెసింగ్ ఫీజును వసూలు చేస్తోంది.
ప్రైవేట్ రంగ దిగ్గజ బ్యాంక్ హెచ్‌డీఎఫ్‌సీ కూడా ఆకర్షణీయ వడ్డీ రేటుకే పర్సనల్ లోన్స్ ఆఫర్ చేస్తోంది. ఈ బ్యాంక్‌లో పర్సనల్ లోన్స్‌పై వడ్డీ రేటు 10.75 శాతం నుంచి ప్రారంభమౌతోంది. గరిష్టంగా 21.3 శాతం వరకు వడ్డీ పడొచ్చు. ప్రాసెసింగ్ ఫీజు 2.5 శాతం వరకు ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
