Pakistan: ధనికులు Petrol పై లీటర్‌కు రూ.100 ఎక్కువ కట్టాల్సిందే.. పేదోళ్ల కోసమే.. అక్కడ అమల్లోకి కొత్త విధానం

Pakistan: ప్రస్తుతం మన పొరుగు దేశం పాకిస్థాన్ ఆర్థిక సంక్షోభంలో (Pakistan Crisis) చిక్కుకుంది. అక్కడ పరిస్థితులు అతలాకుతలంగా ఉన్నాయి. ద్రవ్యోల్బణం (Pakistan Crisis) రికార్డు స్థాయికి చేరిన నేపథ్యంలో అక్కడ అన్ని ధరలు పెరిగిపోయాయి. దీంతో తక్కువ ఆదాయం కలిగిన ప్రజలు తీవ్ర ఇబ్బందులు పడుతున్నారు. ఇదే సమయంలో పెట్రోల్, డీజిల్ ధరలు కూడా అక్కడ రికార్డు స్థాయికి చేరిన సంగతి తెలిసిందే. దీంతో చాలా మంది వాహనాలను బయటికి తీయలేని పరిస్థితి. ఇదే నేపథ్యంలో అక్కడి ప్రభుత్వం పెట్రోల్, డీజిల్‌పై సరికొత్త విధానాన్ని అమల్లోకి తెచ్చింది. ఇందులో భాగంగా తక్కువ ఆదాయం ఉన్న ప్రజలు లేదా పేదవారి కోసం పెట్రోలియం రిలీఫ్ ప్యాకేజీ తీసుకొచ్చింది. దీని కింద పెట్రోలియం ఉత్పత్తులపై వీరికి లీటర్‌పై రూ.100 సబ్సిడీ అందించనుంది.

అయితే ఈ సబ్సిడీ అమౌంట్‌ను ధనికుల వద్ద వసూలు చేయనున్నట్లు చెప్పారు పాకిస్థాన్ పెట్రోలియం శాఖ సహాయ మంత్రి ముసాదిక్ మసూద్ మాలిక్. ఈ మేరకు అక్కడి డాన్ పత్రిక ఈయన వ్యాఖ్యలను ఉటంకించింది. ధనికుల దగ్గర లీటర్‌పై రూ.100 అధికంగా వసూలు చేయనుంది పాక్ సర్కార్. ఒక ప్రెస్ కాన్ఫరెన్స్‌లో ఆయన ఈ వ్యాఖ్యలు చేసినట్లు తెలిసింది. ఇక.. ధనికులకు పెట్రోలియం ఉత్పత్తులను మరింత ప్రియంగా మార్చి.. పేదోళ్లకు తక్కువకే అందుబాటులోకి తీసుకొచ్చే ఉద్దేశంతోనే ఇలా చేసినట్లు చెప్పుకొచ్చారు మసూద్. ధనికుల నుంచి ఎక్కువ డబ్బులు వసూలు చేసి.. వాటిని పేదోళ్ల కోసం ఫైనాన్సింగ్ చేయనున్నట్లు వివరించారు.

Bonus: ఉద్యోగులకు మొన్న 50 నెలల జీతం బోనస్.. ఇప్పుడు మరో బంపర్ ఆఫర్.. కలలో ఊహించని రీతిలో ప్రకటనలు! Job Frauds: Work From Home స్కామ్.. లక్షలు పోగొట్టుకుంటున్నారు జాగ్రత్త.. మీరు ఇలా చేస్తున్నారా?

ఇక తక్కువ ఆదాయం ఉన్న వారు అంటే బడ్జెట్ మోటార్ సైకిళ్లు, రిక్షాలు, 800cc కార్లు, ఇతర చిన్న చిన్న కార్లు వంటి వాటిని ఈ జాబితాలో చేర్చింది. వీటిల్లో పెట్రోలియం ఉత్పత్తులపై రూ.100 సబ్సిడీ కింద ఇవ్వనుంది. ఇక ఇదే క్రమంలో ఇతర ఖరీదైన బైక్స్, లగ్జరీ వాహనాలు వంటి వాటిని ధనికుల జాబితాలో చేర్చింది. వారి దగ్గర రూ.100 అధికంగా వసూలు చేయనుంది. ప్రస్తుతం ప్రయోగాత్మకంగా 6 వారాల పాటు ఈ విధానాన్ని అమలు చేయనుంది.

ప్రస్తుతం పాకిస్థాన్‌లో పెట్రోల్ ధర లీటర్‌కు రూ. 272గా ఉంది. డీజిల్ ధర రూ.293గా ఉంది. ఇదే సమయంలో కిరోసిన్ ఆయిల్ కూడా లీటర్‌కు రూ.190.29గా ఉంది. ధరలు ఇలా ఎక్కువగా ఉన్న నేపథ్యంలోనే పేదవారికి సబ్సిడీ ఇచ్చేందుకు మొగ్గుచూపింది పాక్ సర్కార్.

మీది Airtel సిమ్ అయితే శుభవార్త.. Jio కు కౌంటర్‌గా సరికొత్త ఆఫర్లు.. ఒకే సిమ్‌పై ఐదుగురికి! Job Cuts: మళ్లీ ఉద్యోగులకు కష్టాలు.. మొన్న 18 వేలు.. ఇప్పుడు 9 వేల మందికి లేఆఫ్.. ఆ కారణంతోనే..! RBI: Loan Recovery ఏజెంట్ల వేధింపులు, బెదిరింపులు.. ఆ బ్యాంక్‌కు దిమ్మదిరిగే షాక్ ఇచ్చిన RBI.. కోట్ల జరిమానా!

• Read Latest Business News and Telugu News