Petrol Price: త‌గ్గిన పెట్రోలు, డీజిల్ ధ‌ర‌లు

రెండు వారాలకు పైగా వాహనదారులను బెంబేలెత్తించిన పెట్రోలు, డీజిల్ ధరలకు బుధవారం కళ్లెం పడింది. దేశ వ్యాప్తంగా స్వల్పంగా ధరలు తగ్గడంతో వాహనదారులకు ఊరట లభించినట్టు అయింది. మొద‌ట 60 పైస‌ల మేర పెట్రోలు,డీజిల్ ధ‌ర త‌గ్గిన‌ట్లు ప్ర‌క‌టించిన ఇండియ‌న్ ఆయిల్ కార్పొరేష‌న్ దాన్ని స‌వ‌రిస్తూ మ‌ళ్లీ 1పైసాగా మార్చింది. దీంతో ప్ర‌ధాన న‌గ‌రాల్లో పెట్రోలు ధ‌ర లీట‌ర్ పైన 1 పైసా త‌గ్గిన‌ట్ల‌యింది.


ఇక ఢిల్లీలో బుధవారం లీటర్ డీజిల్ ధర రూ.69.50గా ఉండగా, ముంబైలో రూ.73.78, కోల్‌కతాలో రూ.71.85, చెన్నైలో రూ.73.17 గా ఉంది. గత 16 రోజులుగా అంతూపొంతూ లేకుండా పెరిగిన పెట్రోలు ధరలు శుక్రవారం రికార్డు స్థాయికి చేరుకున్నాయి. పెట్రో ధరలు పైసల్లో తగ్గడంపై వాహనదారులు పెదవి విరుస్తున్నారు. రూపాయల్లో పెంచి, కేవ‌లం ఒకే ఒక పైసా మేర తగ్గించడంపై అసంతృప్తి వ్యక్తం చేస్తున్నారు.