52 వారాల క‌నిష్టానిక పీఎన్బీ హౌసింగ్ షేర్!

గత కొద్ది రోజులుగా నేలచూపులతో కదులుతున్న పీఎన్‌బీ హౌసింగ్‌ ఫైనాన్స్‌ కౌంటర్‌ మరోసారి అమ్మకాలతో బలహీనపడింది. ఎన్‌ఎస్‌ఈలో శుక్ర‌వారం ఈ షేరు దాదాపు 3.4 శాతం పతనమై రూ. 1067 వద్ద ముగిసింది. తొలుత ఒక దశలో రూ. 1051 వద్ద 52 వారాల కనిష్టాన్ని తాకింది. పీఈ సంస్థ కార్లయిల్‌కు చెందిన క్వాలిటీ ఇన్వెస్ట్‌మెంట్‌ హోల్డింగ్స్‌ మే 8న పీఎన్‌బీ హౌసింగ్‌కు చెందిన 80 లక్షల షేర్లను విక్రయించింది. ఇది కంపెనీ ఈక్విటీలో 4.8 శాతం వాటాకు సమానంకాగా తద్వారా రూ. 1024 కోట్లను సమకూర్చుకుంది.

ఈ ఏడాది ద్వితీయార్థంలో అంటే జూలై-సెప్టెంబర్‌లో పీఎన్‌బీ హౌసింగ్‌ ఫైనాన్స్‌లో 66 శాతం వాటాను మాతృ సంస్థ పీఎన్‌బీతోపాటు కార్లయిల్‌ సంయుక్తంగా విక్రయించనున్నట్లు జాతీయ మీడియా పేర్కొంది. ఒక్కో సంస్థకూ 33 శాతం చొప్పున పీఎన్‌బీ హౌసింగ్‌లో వాటా ఉంది. ప్రస్తుత మార్కెట్‌ ధర ప్రకారం ఈ వాటా విలువ రూ. 12,000 కోట్లుగా నిపుణులు పేర్కొంటున్నారు.