HDFC Bank శుభవార్త.. రుణ గ్రహీతల అకౌంట్లలోకి ఆ డబ్బులు వెనక్కి.. ఇలా అప్లై చేసుకోండి!

దేశీ అతిపెద్ద ప్రైవేట్ రంగ బ్యాంక్ హెచ్‌డీఎఫ్‌సీ బ్యాంక్ తన రుణ గ్రహీతలకు తీపికబురు అందించింది. లోన్ తీసుకున్న వారికి ఊరట కలిగే ప్రకనట చేసింది. వాహన రుణాలు పొందిన కస్టమర్లకు జీపీఎస్ డివైజ్ కమిషన్ రిఫండ్ చేస్తామని తెలిపింది. దీంతో బ్యాంక్ నుంచి వెహికల్ లోన్ తీసుకున్న చాలా మందికి బెనిఫిట్ కలుగనుంది.హెచ్‌డీఎఫ్‌సీ బ్యాంక్ నుంచి వాహన రుణాలు పొందిన వారు జీపీఎస్ డివైజ్‌కు కూడా డబ్బులు చెల్లించి ఉంటే.. వారికి వారి డబ్బులు వెనక్కి వస్తాయి. 2013-14 ఆర్థిక సంవత్సరం నుంచి 2019-20 ఆర్థిక సంవత్సరం వరకు తీసుకున్న వాహన రుణాలకు ఇది వర్తిస్తుంది. రిఫండ్ డబ్బులు నేరుగా కస్టమర్ల బ్యాంక్ అకౌంట్లలో జమ అవుతాయని హెచ్‌డీఎఫ్‌సీ బ్యాంక్ తెలిపింది.

Also Read: undefined

దీని కోసం బ్యాంక్ కస్టమర్లు 18002102678 నెంబర్‌కు కాల్ చేసి రిఫండ్ కోసం క్లెయిమ్ చేసుకోవచ్చు. పనిదినాల్లో ఉదయం 9.30 నుంచి సాయంత్రం 5.30 వరకు కాల్ చేయొచ్చు. లేదంటే auto.refund@hdfcbank.comకు మీ లోన్ వివరాలతో ఈమెయిల్ కూడా పంపొచ్చు.

ఒకవేళ కస్టమర్ల రీపేమెంట్ బ్యాంక్ అకౌంట్లు క్లోజ్ అయి ఉంటే.. కస్టమర్లు బ్యాంక్ అధికారులను సంప్రదించొచ్చని బ్యాంక్ తెలిపింది. వాహన రుణాల్లో అవకతవకలు కారణంగా దేశీ కేంద్ర బ్యాంక్ రిజర్వు బ్యాంక్ ఆఫ్ ఇండియా హెచ్‌డీఎఫ్‌సీ బ్యాంక్‌పై రూ.10 కోట్ల పెనాల్టీ విధించిన విషయం తెలిసిందే. ఈ క్రమంలోనే ఇప్పుడు బ్యాంక్ వాహన రుణాలు పొందిన కస్టమర్లకు జీపీఎస్ డివైజ్ కమిషన్ రిఫండ్ చేస్తుండటం గమనార్హం.