Provident Fund: What Is Employees Deposit Linked Insurance Scheme? Know All About This Epfo Scheme Features And Benefits
PF అకౌంట్ ఉందా? ఒక్క రూపాయి చెల్లించకుండానే మీకు రూ.6 లక్షలు బెనిఫిట్..!
పీఎఫ్ అకౌంట్ గురించి ప్రత్యేకంగా చెప్పాల్సిన అవసరం లేదు. ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్వో) ఈపీఎఫ్ అకౌంట్ నిర్వహణ బాధ్యతలను చూసుకుంటుంది. ఒక కంపెనీలో 20 లేదా అంతకన్నా ఎక్కువ మంది ఉద్యోగులు ఉంటే.. అప్పుడు ఆ కంపెనీ కచ్చితంగా ఈపీఎఫ్ సేవలను ఎంప్లాయీస్కు అందుబాటులో ఉంచాలి. ఈపీఎఫ్ అకౌంట్ ముఖ్య ఉద్దేశం రిటైర్మెంట్ బెనిఫిట్స్. ప్రస్తుతం మార్కెట్లో ఉన్న ఉత్తమమైన రిటైర్మెంట్ సేవింగ్ సాధనాల్లో ఈపీఎఫ్ కూడా ఒకటి.
Samayam Telugu4 Mar 2020, 8:17 am
పీఎఫ్ అకౌంట్ గురించి ప్రత్యేకంగా చెప్పాల్సిన అవసరం లేదు. ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్వో) ఈపీఎఫ్ అకౌంట్ నిర్వహణ బాధ్యతలను చూసుకుంటుంది. ఒక కంపెనీలో 20 లేదా అంతకన్నా ఎక్కువ మంది ఉద్యోగులు ఉంటే.. అప్పుడు ఆ కంపెనీ కచ్చితంగా ఈపీఎఫ్ సేవలను ఎంప్లాయీస్కు అందుబాటులో ఉంచాలి. ఈపీఎఫ్ అకౌంట్ ముఖ్య ఉద్దేశం రిటైర్మెంట్ బెనిఫిట్స్. ప్రస్తుతం మార్కెట్లో ఉన్న ఉత్తమమైన రిటైర్మెంట్ సేవింగ్ సాధనాల్లో ఈపీఎఫ్ కూడా ఒకటి.
మూడు సేవింగ్ స్కీమ్స్..
ఈపీఎఫ్ స్కీమ్లో చేరడం వల్ల పదవీ విరమణ తర్వాత కచ్చితమైన రాబడి పొందొచ్చు. ఎలాంటి రిస్క్ ఉండదు. కేంద్ర ప్రభుత్వ హామీ ఉంటుంది. కాగా ఈపీఎఫ్వో సబ్స్క్రైబర్లు మూడు రకాల సేవింగ్స్ స్కీమ్స్ అందుబాటులో ఉన్నాయి. ఈపీఎఫ్, ఈపీఎస్, ఈడీఎల్ఐ అనేవి ఇవి. తొలి రెండూ అంటే ఈపీఎఫ్, ఈపీఎస్ అనేవి సేవింగ్స్ స్కీమ్స్. ఇక ఈడీఎల్ఐ (ఎంప్లాయీస్ డిపాజిట్ లింక్డ్ ఇన్సూరెన్స్ స్కీమ్) అనేది ఇన్సూరెన్స్ స్కీమ్.
ఈడీఎల్ఐ స్కీమ్ కొత్తదేమీ కాదు. 1976 నుంచే అందుబాటులోకి వచ్చింది. ఉద్యోగులకు ఈపీఎఫ్ మొత్తాన్ని కంట్రిబ్యూట్ చేస్తున్న ప్రతి కంపెనీకి ఈ స్కీమ్ అందుబాటులో ఉంటుంది. ఈ స్కీమ్ వల్ల ఉద్యోగులకు లైఫ్ ఇన్సూరెన్స్ కవరేజ్ లభిస్తుంది. సర్వీసులో ఉన్నప్పుడు ఉద్యోగి మరణిస్తే.. అప్పుడు వారికి ఈ ఈపీఎఫ్వో స్కీమ్ నుంచి ఇన్సూరెన్స్ డబ్బులు వస్తాయి. ఈపీఎఫ్వో చట్టం కింద రిజిస్టర్ అయిన ప్రతి కంపెనీకి ఇది వర్తిస్తుంది. ఈ కంపెనీలు ఈ స్కీమ్ను సబ్స్క్రైబ్ చేసుకొని ఉద్యోగులకు ఇన్సూరెన్స్ బెనిఫిట్స్ను అందించాల్సి ఉంటుంది.
ఈడీఎల్ఐ స్కీమ్లో ప్రత్యేకంగా చేరాల్సిన అవసరం లేదు. ఈపీఎఫ్ ఈపీఎస్ సేవింగ్స్ స్కీమ్స్తో లింక్ అయ్యి ఈ పథకంప నిచేస్తుంది. అంటే ఈపీఎఫ్ సబ్స్క్రైబర్లు అందరికీ ఈడీఎల్ఐ స్కీమ్ వర్తిస్తుంది. ఆటోమేటిక్గానే ఇన్సూరెన్స్ స్కీమ్ ప్రయోజనాలు లభిస్తాయి. ఈ స్కీమ్ కోసం ఉద్యోగులు పరోక్షంగా కంట్రిబ్యూట్ చేస్తారు. మీరు పని చేస్తున్న కంపెనీ ఈ స్కీమ్కు మీ తరుపున కంట్రిబ్యూషన్ చేస్తుంది. డీఏ, శాలరీ ప్రాతిపదికన కంట్రిబ్యూట్ మొత్తం డిసైడ్ అవుతుంది. కంపెనీ గరిష్టంగా 0.50 శాతం లేదా రూ.75లను ఈడీఎల్ఐ స్కీమ్కు మీ తరుపున కంట్రిబ్యూట్ చేస్తుంది.
ఈడీఎల్ఐ స్కీమ్ కింద ఉద్యోగి మరణం తర్వాత నామినీకి శాలరీకి 30 రెట్లు ఇన్సూరెన్స్ డబ్బులు వస్తాయి. ఇక్కడ శాలరీ అంటే కేవలం డీఏ, బేసిక్ శాలరీని మాత్రమే పరిగణలోకి తీసుకుంటారు. అంతేకాకుండా ఇన్సూరెన్స్ డబ్బుతోపాటు అదనంగా రూ.1.5 లక్షల బోనస్ కూడా అందజేస్తారు. కంపెనీలు ఉద్యోగులకు ఈడీఎల్ఐ స్కీమ్ కన్నా మంచి ఇన్సూరెన్స్ పథకాన్ని అందజేస్తే.. అప్పుడు ఈ స్కీమ్ నుంచి తప్పుకోవచ్చు. ఈడీఎల్ఐ స్కీమ్ కింద ఉద్యోగి సర్వీస్లో ఉన్నప్పుడే మరణిస్తే.. నామినీకి గరిష్టంగా రూ.6 లక్షల వరకు లభిస్తాయి.
ఈడీఎల్ఐ స్కీమ్ కింద ఇన్సూరెన్స్ డబ్బులను నామినీ క్లెయిమ్ చేసుకోవలసి ఉంటుంది. ఒకవేళ నామినీ కూడా మరణిస్తే.. అప్పుడు వారి బంధువులు క్లెయిమ్ డబ్బులు తీసుకోవచ్చు. అయితే ఇక్కడ పెద్ద కొడుకు తీసుకోవడానికి వీలు లేదు. అలాగే కూతురు ఉండి, ఆమెకు పెళ్లై ఉండి భర్త జీవించి ఉంటే.. అప్పుడు వీరికి కూడా క్లెయిమ్ డబ్బులు తీసుకోవడానికి అవకాశం ఉండదు. ఇన్సూరెన్స్ డబ్బులు తీసుకోవాలని భావిస్తే.. అప్పుడు ఫామ్ 5ని ఫిల్ చేసి ఈపీఎఫ్వో ఆఫీస్లో అధికారులకు అందజేయాల్సి ఉంటుంది. ఇక్కడ ఈడీఎల్ఐ మెబర్ డెత్ సర్టిఫికెట్, గార్డియన్షిప్ సర్టిఫికెట్, సక్సెషన్ సర్టిఫికెట్ వంటి డాక్యుమెంట్లు అవసరం అవుతాయి.
ఈడీఎల్ఐ స్కీమ్ ఎలా పనిచేస్తుందో ఒక ఉదాహరణ ద్వారా తెలుసుకుంద్దాం. ఒక ఉద్యోగి ఈపీఎఫ్వో సబ్స్క్రైబర్గా కొనసాగుతున్నారు. ఈపీఎఫ్, ఈపీఎస్, ఈడీఎల్ఐ స్కీమ్స్లో యాక్టివ్ మెంబర్గా ఉన్నారు. ఇప్పుడు ఆ ఉద్యోగి డ్యూటీలో మరణించారు. ఈ ఉద్యోగి నెలవారీ జీతం రూ.15,000గా ఉంది. ఇప్పుడు ఉద్యోగి నామినీ ఈడీఎల్ఐ క్లెయిమ్ కోసం అప్లై చేసుకున్నారు. నామినీకి రూ.6 లక్షలు (30 x Rs 15,000) + (Rs 1,50,000) వస్తాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.