Rbi Cancelled The License Of Lakshmi Cooperative Bank
RBI: మరో బ్యాంకు క్లోజ్.. లైసెన్స్ క్యాన్సిల్ చేసిన ఆర్‌బీఐ, కస్టమర్లపై తీవ్ర ప్రభావం
RBI: రిజర్వు బ్యాంకు ఆఫ్ ఇండియా మరో కీలక నిర్ణయం తీసుకుంది. దేశంలో మరో కోఆపరేటివ్ బ్యాంకు లైసెన్సును ఆర్‌బీఐ రద్దు చేసింది. డిపాజిటర్ల ప్రయోజనాలను పరిగణనలోకి తీసుకుని ఆర్‌బీఐ ఈ నిర్ణయం తీసుకుంది. బ్యాంకు వద్ద అవసరమైన మూలధనం లేదని, ఒకవేళ మరింత కాలం ఆపరేషన్స్ కొనసాగిస్తే.. డిపాజిటర్లు దెబ్బతినే అవకాశం ఉందని ఆర్‌బీఐ తెలిపింది. కాగా.. నిన్ననే పూణేకి చెందిన ఒక కోఆపరేటివ్ బ్యాంకు మూతపడింది. బ్యాంకింగ్ ఆపరేషన్స్‌ను ఇది క్లోజ్ చేసింది.
Authored byKoteru Sravani | Samayam Telugu23 Sep 2022, 7:18 am
RBI: దేశంలో మరో కోఆపరేటివ్ బ్యాంకు మూత పడుతుంది. పూణేకు చెందిన రూపీ కోఆపరేటివ్ బ్యాంకు మూతపడిన ఒక్క రోజులోనే.. మరో బ్యాంకుపై ఆర్‌బీఐ వేటు వేసింది. మహారాష్ట్రలోని లక్ష్మి కోఆపరేటివ్ బ్యాంకు లిమిటెడ్ లైసెన్సును రిజర్వు బ్యాంకు ఆఫ్ ఇండియా(RBI) రద్దు చేసింది. ఈ బ్యాంకులో డిపాజిట్ దారులకు రూ.5 లక్షల వరకు రిటర్ను చేయాలని ఆర్‌బీఐ ఆదేశించింది.
Samayam Teluguలక్ష్మి కోఆపరేటివ్ బ్యాంకు లైసెన్సు రద్దు చేసిన ఆర్‌బీఐ
రిజర్వు బ్యాంకు ఆర్డర్‌తో లక్ష్మి కోఆపరేటివ్ బ్యాంకు ఇక నుంచి ఎలాంటి వ్యాపార, ఆర్థిక లావాదేవీలు చేయడానికి వీలు లేదు. ఆర్‌బీఐ ఈ నోటీసు జారీ చేసిన తర్వాత.. ఈ బ్యాంకులో డబ్బులు డిపాజిట్ చేసిన వారు డిపాజిట్ ఇన్సూరెన్స్ అండ్ క్రెడిట్ గ్యారెంటీ కార్పొరేషన్ నుంచి రూ.5 లక్షల వరకు ఇన్సూరెన్స్ క్లయిమ్ చేసుకునే అవకాశం ఉంటుంది. లక్ష్మి కోఆపరేటివ్ బ్యాంకు వద్ద అవసరమైన మూలధనం లేకపోవడంతో.. ఈ కోపరేటివ్ బ్యాంకు లైసెన్సును రద్దు చేసినట్టు ఆర్‌బీఐ తెలిపింది.
నిన్నటి నుంచే ఈ ఆర్డర్ అమల్లోకి వస్తుందని ఆర్‌బీఐ చెప్పింది. ప్రస్తుతం బ్యాంకు ఆర్థిక పరిస్థితి అసలు బాగోలేదని ఆర్‌బీఐ తెలిపింది. ఈ బ్యాంకు మరింత కాలం బ్యాంకింగ్ కార్యకలాపాలు కొనసాగిస్తే.. ప్రజల ప్రయోజనాలు దెబ్బతింటాయని పేర్కొంది. బ్యాంకు సమర్పించిన వివరాల ప్రకారం.. డీఐసీజీసీ నుంచి 99 శాతం డిపాజిటర్లకు పూర్తి మొత్తం పొందే అవకాశం ఉంది.
కాగా.. నిన్ననే పూణేకి చెందిన 110 ఏళ్ల నాటి రూపీ కోఆపరేటివ్ బ్యాంకును ఆర్‌బీఐ మూసివేసింది. గత నెలలోనే ఈ బ్యాంకు లైసెన్సును క్లోజ్ చేసిన ఆర్‌బీఐ.. నిన్నటితో బ్యాంకింగ్ ఆపరేషన్స్‌ను ఆపివేయాలని తెలిపింది. ఈ బ్యాంకులోని డిపాజిటర్లకు కూడా డిపాజిట్ ఇన్సూరెన్స్ అండ్ క్రెడిట్ గ్యారెంటీ కార్పొరేషన్ ఇన్సూరెన్స్ స్కీమ్ నుంచి రూ.5 లక్షల వరకు ఇన్సూరెన్స్ లభిస్తుంది. డీఐసీజీజీ రిజర్వు బ్యాంకు సబ్సిడరీ. ఇది బ్యాంకు డిపాజిట్లకు ఇన్సూరెన్స్ కల్పిస్తుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
