జియో: రూ. 399 రీఛార్జ్‌తో రూ.2599 క్యాష్ బ్యాక్

ప్రైమ్ కస్టమర్ల కోసం రిలయన్స్ జియో తొలిసారిగా వినూత్న ఆఫర్‌ ప్రకటించింది. రూ. 399, అంత కంటే ఎక్కువ మొత్తంతో రీచార్జ్ చేసుకునే వారికి రూ. 2599 వరకు క్యాష్ బ్యాక్ ఇస్తున్నట్లు ప్రకటించింది. ఈ ట్రిపుల్ క్యాష్ బ్యాక్ వోచర్లో జియో పార్ట్‌నర్ వ్యాలెట్లను ఉపయోగించి రీచార్జ్ చేసుకుంటే రూ. 300 ఇన్‌స్టంట్ క్యాష్ బ్యాక్ ఇస్తామని తెలిపింది. అమెజాన్ పే, యాక్సిస్ పే, ఫ్రీఛార్జ్, మొబీక్విక్, పేటీఎం, ఫోన్‌పే‌ యాప్‌లలో వేటినైనా ఇందుకోసం వినియోగించొచ్చు.

ఈ ప్రత్యేకమైన ఆఫర్ నవంబర్ 10 నుంచి 15 వరకు అందుబాటులో ఉంటుందని జియో తెలిపింది. ఈ క్యాష్‌బ్యాక్‌ను మూడు కేటగిరీలుగా జియో విభజించింది. రూ. 400 విలువైన జియో క్యాష్ బ్యాక్ వోచర్లను మైజియో ద్వారా నవంబర్ 15 నుంచి రెడెంప్షన్ చేసుకోవచ్చు. పార్ట్‌నర్ వ్యాలెట్ల ద్వారా పొందే క్యాష్ బ్యాక్‌ను వెంటనే యూజర్ల వ్యాలెట్లో క్రెడిట్ అవుతాయి. ఈ కామర్స్ వోచర్లు నవంబర్ 20 నుంచి అందుబాటులో ఉంటాయి. రూ. 99తో రీచార్జ్ చేసుకుంటే ఏడాది పాటు ప్రైమ్ మెంబర్లుగా కొనసాగే అవకాశాన్ని జియో కల్పిస్తోన్న సంగతి తెలిసిందే.