రూ. 49కే రిలయన్స్ 1జీబీ 4జీ డాటా!

అనిల్ అంబానీకి చెందిన టెలీకాం సంస్థ రిలయన్స్ కమ్యూనికేషన్స్ శుక్రవారం అద్భుతమైన ఆఫర్‌ను ప్రకటించింది. రూ. 49కే 1జీబీ 4జీ డాటాను కల్పిస్తున్నట్లు ప్రకటించింది. అయితే జియోకి పోటీగా మిగిలిన టెలీకాం సంస్థలు తక్కువ ధరకే అత్యధిక డాటాను ఇస్తున్నప్పటికీ వ్యాలిడిటీని తక్కువ రోజులకే పరిమితం చేస్తున్నాయి. అయితే రిలయన్స్ కమ్యూనికేషన్స్ ఈ రోజు ప్రకటించిన 1జీబీ 4జీ డాటా వ్యాలిడిటీ 28 రోజులు కావడం విశేషం.

హోలీ పండుగ సందర్భంగా ‘జాయ్ ఆఫ్ హోలీ’ పేరుతో రిలయన్స్ కొత్త టారిఫ్ ఆఫర్లను తీసుకొచ్చింది. వీటిలో రూ. 49కే 1జీబీ 4జీ డాటా ఒకటి కాగా.. మరొకటి రూ. 149కే 3జీబీ 3జీ డాటా. దీనికి కూడా 28 రోజుల కాలపరిమితి ఉంది. అంతేకాకుండా రూ. 149 టారిఫ్‌తో ఆన్‌నెట్‌పై (రిలయన్స్ టు రిలయన్స్) లోకల్, ఎస్టీడీ వాయిస్ కాల్స్ అపరిమితం.