జియో రిపబ్లిక్ డే ఆఫర్: మరింత చౌకగా ప్లాన్లు!

భారత టెలీకాం రంగంలో రిలయన్స్ జియో ఎలాంటి విప్లవాత్మక మార్పులు తీసుకొచ్చిందో అందరికీ తెలిసిందే. భారత కుబేరుడు ముఖేశ్ అంబానీకి చెందిన ఈ కంపెనీ అనతి కాలంలోనే రికార్డు స్థాయిలో వినియోగదారులను సొంతం చేసుకుంది. దీనికి కారణం సరికొత్త వివోఎల్టీఈ టెక్నాలజీ, అపరిమిత సేవలు. జియోకు ఓ సందర్భం ఉంటే చాలు రకరకాల ఆఫర్లతో వినియోగదారులను ఆకట్టుకుంటుంది. ఇప్పుడు జియోకు ఓ సందర్భం దొరికింది. అదే భారత గణతంత్ర దినోత్సవం. రిపబ్లిక్ డే సందర్భంగా జియో సరికొత్త ఆఫర్లతో వినియోగదారులను ఊరిస్తోంది. ప్రస్తుతం అందుబాటులో ఉన్న ప్లాన్లలోనే మార్పులు చేయడమే కాక, కొన్ని కొత్త ప్లాన్లను యూజర్లకు అందిస్తోంది.

ప్రస్తుతం అందుబాటులో ఉన్న ప్లాన్లలో అందిస్తోన్న డాటా కంటే 50 శాతం అధిక డాటాను జియో అందించనుంది. ఈ మార్పుచేసిన ప్లాన్లు జనవరి 26 నుంచి అందుబాటులోకి రానున్నాయి. ఇప్పటి వరకు రోజుకి 1జీబీ డాటా అందిస్తో్న్న అన్ని ప్లాన్లకు దాని పరిమితిని రోజుకి 1.5 జీబీకి పెంచింది. అలాగే రోజుకి 1.5జీబీ పరిమితి ఉన్న ప్లాన్లకు రోజుకి 2జీబీ అందించనుంది. అంటే రూ.149, రూ.349, రూ.399, రూ.449 ప్లాన్లు ఇకపై రోజుకి 1.5జీబీ డాటాను అందిస్తాయి. ఈ ప్లాన్ల కాలపరిమితులు వరసగా 28, 70, 84, 91 రోజులగా నిర్ణయించారు. ఈ అన్ని ప్లాన్లకు లోకల్, ఎస్టీడీ అపరిమితి కాలింగ్ ఎలాగూ ఉంది.

మరోవైపు రూ.198, రూ.398, రూ.448, రూ.498 ప్లాన్ల కింద రోజుకి 2జీబీ డాటా అందించనుంది. వీటి కాలపరిమితులు వరసగా 28 రోజులు, 70 రోజులు, 84 రోజులు, 91 రోజులుగా జియో నిర్ణయించింది. ఇక 28 రోజుల కాలపరిమితితో ప్రారంభ ప్యాక్‌ను కూడా జియో తీసుకువచ్చింది. రూ.98తో రీఛార్జ్ చేసుకుంటే అపరిమిత కాలింగ్‌తో పాటు 56జీబీ డాటా పొందొచ్చు. అయితే డాటా వినియోగం 2జీబీ దాటిన తరవాత ఇంటర్నెట్ వేగం తగ్గిపోతుంది. ఇప్పటికే జియో అందిస్తోన్న ఆఫర్లతో తలపట్టుకుంటున్న ప్రత్యర్థులకు ‘రిపబ్లిక్ డే ఆఫర్’ పేరిట మరోసారి షాక్ ఇచ్చింది.