ఇలా చేస్తే.. జియో 168జీబీ డాటా ఉచితం!

అపరిమిత డాటా ఆఫర్లతో అతి తక్కువ కాలంలోనే విపరీతమైన పబ్లిసిటీ సొంతం చేసుకున్న రిలయన్స్ జియో తమ సబ్‌స్క్రైబర్ల కోసం మరో ఆకర్షణీయమైన ఆఫర్‌ను తీసుకొచ్చింది. అయితే ఈ ఆఫర్ కేవలం వివో స్మార్ట్‌ఫోన్ ఉన్నవారికి మాత్రమే. సరికొత్త ‘వివో జియో క్రికెట్ మానియా’ ఆఫర్‌లో భాగంగా వివో స్మార్ట్‌ఫోన్‌ను వాడుతున్న జియో కస్టమర్లకు 168జీబీ 4జీ డాటాను ఉచితంగా అందిస్తోంది.

వివో స్మార్ట్‌ఫోన్‌లో జియో నెట్‌వర్క్‌ను వాడుతూ ఇప్పటికే వేరే ఆఫర్‌లో ఉన్న యూజర్లకు కూడా ఈ కొత్త ఆఫర్ వర్తిస్తుంది. అంటే ప్రస్తుతం వాడుతున్న ‘ధన్ ధనా ధన్’ ఆఫర్‌కి ఈ 168జీబీ అదనంగా వస్తుంది. అయితే వివో స్మార్ట్‌ఫోన్ యూజర్లు ఈ క్రికెట్ మానియా ఆఫర్‌ను పొందడానికి మొదటిగా రిజిస్టర్ చేసుకోవాలి. రిజిస్ట్రేషన్‌లో భాగంగా.. మీకు ఇష్టమైన ఐపీఎల్ జట్టును ఎంచుకుని, మీ జియో నంబర్ నుంచి మెసేజ్ పంపాలి.

మీరు ఎంపిక చేసుకున్న జట్టు విజయం సాధిస్తే మీ జియో నంబర్‌కు 3జీబీ డాటా ఉచితంగా వస్తుంది. ఒకవేళ ఓడిపోయినా 1జీబీ డాటా వస్తుంది. ఇక మ్యాచ్ టై అయితే 2జీబీ డాటాను ఉచితంగా ఇస్తారు. ఇలా ఐపీఎల్ పూర్తయ్యేనాటికి మొత్తం 168జీబీ డాటాను జియో తమ కస్టమర్లకు ఉచితంగా అందిస్తుంది. ఎస్ఎంఎస్ వివరాల కోసం రిలయన్స్ జియో అధికారిక వెబ్‌సైట్‌ని చూడండి.