గ్యాస్ సిలిండర్ ధరలు స్వల్పంగా తగ్గాయి. సబ్సిడీయేతర ఎల్పీజీ సిలిండర్ ధరను ఆయిల్ కంపెనీలు రూ.35.50 మేర తగ్గించాయి. నెల రోజుల్లో సిలిండర్ ధరలు తగ్గడం ఇది రెండోసారి. ఈసారి కమర్షియల్ సిలిండర్ల ధర కూడా తగ్గించడం విశేషం. 19 కిలోల వాణిజ్య సిలిండర్ ధరను రూ. 54 తగ్గించగా.. 5 కిలోల సిలిండర్ ధరను రూ.15 తగ్గించారు. ఓవైపు పెట్రోల్, డీజిల్ ధరలు ఆకాశాన్నంటుతుంటే.. మరోవైపు ఎల్పీజీ ధరలు మాత్రం తగ్గుతుండటం కాస్త ఊరటనిచ్చే విషయం.
ప్రస్తుతం.. ప్రతి ఇంటికి ఏడాదికి 12 సబ్సిడీ సిలిండర్లను అందిస్తున్నారు. ఆపై ప్రతి సిలిండర్ను మార్కెట్ ధరకు కొనాల్సిందే. ప్రధానమంత్రి ఉజ్వల యోజన కింద 2020 కల్లా కొత్తగా మరో 3 కోట్ల ఎల్పీజీ కనెక్షన్లు ఇవ్వాలని కేంద్ర ప్రభుత్వం లక్ష్యంగా పెట్టుకుంది.
ప్రస్తుతం.. ప్రతి ఇంటికి ఏడాదికి 12 సబ్సిడీ సిలిండర్లను అందిస్తున్నారు. ఆపై ప్రతి సిలిండర్ను మార్కెట్ ధరకు కొనాల్సిందే. ప్రధానమంత్రి ఉజ్వల యోజన కింద 2020 కల్లా కొత్తగా మరో 3 కోట్ల ఎల్పీజీ కనెక్షన్లు ఇవ్వాలని కేంద్ర ప్రభుత్వం లక్ష్యంగా పెట్టుకుంది.