Reserve Bank Of India Keeps Repo Rate On Hold: This Is How It Will Impact Your Loans And Deposits
బ్యాంక్లో డబ్బు డిపాజిట్ చేస్తున్నారా? మీకు తీపికబురు..!
రిజర్వు బ్యాంక్ తన నిర్ణయంతో అందరికీ షాకిచ్చింది. 25 బేసిస్ పాయింట్ల మేర రేట్ల కోత ఉండొచ్చని అందరూ అంచనా వేశారు. కానీ ఆర్బీఐ మాత్రం రేట్లను యథాతథంగా కొనసాగించింది. తాజా మానిటరీ పాలసీ సమీక్షలో రెపో రేటును 5.15 శాతంగానే స్థిరంగా కొనసాగించింది. దీంతో రివర్స్ రెపో కూడా 4.90 శాతం వద్దనే ఉంది.
Samayam Telugu6 Dec 2019, 12:11 pm
రిజర్వు బ్యాంక్ తన నిర్ణయంతో అందరికీ షాకిచ్చింది. 25 బేసిస్ పాయింట్ల మేర రేట్ల కోత ఉండొచ్చని అందరూ అంచనా వేశారు. కానీ ఆర్బీఐ మాత్రం రేట్లను యథాతథంగా కొనసాగించింది. తాజా మానిటరీ పాలసీ సమీక్షలో రెపో రేటును 5.15 శాతంగానే స్థిరంగా కొనసాగించింది. దీంతో రివర్స్ రెపో కూడా 4.90 శాతం వద్దనే ఉంది.
బ్యాంక్ డిపాజిట్లకు రెపోకు లింక్ ఏంటి?
మీరు ఇక్కడ ఒక విషయం గుర్తు పెట్టుకోవాలి. ఆర్బీఐ రెపో రేటు ప్రభావం బ్యాంకులకు సంబంధించిన డిపాజిట్లు, రుణాలు వంటి వాటిపై ఉంటుంది. రెపో రేటులో ఏలాంటి మార్పులు చోటుచేసుకున్నా కూడా ఆ ఎఫెక్ట్ వడ్డీ రేట్లపై కనిపిస్తుంది. అందుకే ఆర్బీఐ రెపో రేటుకు చాలా ప్రాధాన్యం ఇవ్వాల్సి ఉంటుంది.
రిజర్వు బ్యాంక్ రెపో రేటును స్థిరంగా కొనసాగించడంతో బ్యాంకుల్లో డబ్బు డిపాజిట్ చేసే వారిపై సానుకూల ప్రభావం పడుతుంది. ఆర్బీఐ ఈ ఏడాది ఏకంగా ఐదు సార్లు వడ్డీ రేట్లు తగ్గిస్తూ వచ్చింది. దీంతో బ్యాంకులు కూడా ఫిక్స్డ్ డిపాజిట్లపై వడ్డీ రేట్లతో కోత విధిస్తూ వచ్చాయి. ఇప్పుడు రేట్లు యథాతథంగా కొనసాగడంతో బ్యాంక్ ఎఫ్డీ రేట్లు కూడా తగ్గకుండా ఉంటాయి. దీంతో డిపాజిటర్లకు ఆకర్షణీయ వడ్డీ లభిస్తుంది.
దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) కూడా ఫిక్స్డ్ డిపాజిట్ సేవలు అందిస్తోంది. ఈ బ్యాంక్ వడ్డీ రేట్లను గమనిస్తే.. 2019 నవంబర్ నాటికి బ్యాంక్ ఏడాది ఎఫ్డీలపై వడ్డీ రేటు 6.25 శాతంగా ఉంది. సాధారణ కస్టమర్లకు ఇది వర్తిస్తుంది. సీనియర్ సిటిజన్స్కు వడ్డీ రేటు 6.75 శాతంగా ఉండేది. ఆగస్ట్ నెల ఆరంభంలో ఇవే వడ్డీ రేట్లు 6.8 శాతంగా, 7.3 శాతంగా ఉండేవి.
ఇన్వె్స్ట్మెంట్ సలహాదారులు, ట్యాక్స్ నిపుణులు సీనియర్ సిజిజన్స్కు బ్యాంక్ ఎఫ్డీల కన్నా ఇతర ఇన్వెస్ట్మెంట్ సాధనాల్లో డబ్బులు పెట్టుబడి పెట్టొచ్చని సూచిస్తుంటారు. బ్యాంక్ ఎఫ్డీల కన్నా స్మాల్ సేవింగ్స్ స్కీమ్స్లో ఇన్వెస్ట్ చేయడం మంచిదని పేర్కొంటుంటారు. వీటిల్లో కొంచెం ఎక్కువ వడ్డీ వస్తుంది. పోస్టాఫీస్ టర్మ్ డిపాజిట్స్, సీనియర్ సిటిజన్స్ సేవింగ్ స్కీమ్స్ వంటి పథకాల్లో చేరొచ్చు.
ఇకపోతే ఆర్బీఐ రెపో యథాతథ నిర్ణయంతో రుణం తీసుకున్న వారికి ఎలాంటి ప్రయోజనం లేదు. అక్టోబర్ 1 నుంచి కొత్త ఫ్లోటింగ్ రేటు లోన్స్ అన్నీ ఎక్స్టర్నల్ బెంచ్మార్క్తో అనుసంధానమయ్యాయి. దీంతో రెపో రేటు తగ్గితే వడ్డీ రేటు కూడా దిగిరావాలి. అయితే ఇప్పుడు ఇలా జరగలేదు. అందువల్ల వీరికి ఎలాంటి ప్రయోజనం కలుగలేదు.
ఇకపోతే ఆర్బీఐ తాజా నిర్ణయంతో కీలక రెపో రేటు 5.15 శాతం వద్దనే కొనసాగుతోంది. ఆర్బీఐ గవర్నర్ శక్తి కాంత్దాస్ నేతృత్వంలోని ఆరుగురు సభ్యుల మానిటరీ పాలసీ కమిటీ (ఎంసీపీ) యథాతథ స్థితికే ఓటు వేసింది. సభ్యులు అందరూ కూడా రేటును స్థిరంగా కొనసాగించేందుకు సముఖత వ్యక్తం చేశారు. రేట్ల కోత మరింత సమయం ఉందని పరోక్షంగా సంకేతాలు పంపారు. ప్రస్తుత సమయంలో రేట్లను స్థిరంగా కొనసాగించడమే మంచిదని పేర్కొన్నారు.
ద్రవ్యోల్బణం పైకి.. జీడీపీ కిందకు
రిజర్వు బ్యాంక్ అక్టోబర్-మార్చి సీపీఐ ద్రవ్యోల్బణ అంచనాలను సవరించింది. 4.7 శాతం నుంచి 5.1 శాతానికి పెంచింది. అలాగే 2019-20 రియల్ జీడీపీ వృద్ధి అంచనాలను 6.1 శాతం నుంచి 5 శాతానికి కుదించింది. సమీప కాలంలో ద్రవ్యోల్బణం పెరగొచ్చని అంచనా వేసింది. డిమాండ్ పుంజుకోవడం లేదని పేర్కొంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.