రూ.2,450కే రూ.31,500 టీవీ.. క్యూ కట్టిన జనం.. చివరిలో అదిరిపోయే ట్విస్ట్!

డిస్కౌంట్ అంటే మనమే కాదు.. ఎవరైనా క్యూ కటాల్సిందే. ఏదైనా షాపుకు వెళ్లినప్పుడు ఒక వస్తువు తక్కువ ధరకే వస్తోందంటే ముందు వెనకు ఆలోచించం. కొనేస్తాం. తర్వాత ఇతర విషయాలను గమనిస్తాం. ఇక్కడ కూడా ఒక షాపు చేసిన చిన్న తప్పు పెద్ద గొడవకు కారణమైంది. అయితే ఇదంత జరిగింది మన దేశంలో కాదు. ఫ్రాన్‌లో.

ఫ్రెంచ్ రిటైల్ స్టోర్ ఇటీవల టీవీలపై అదిరిపోయే ఆఫర్ అందుబాటులో ఉంచింది. భారీ డిస్కౌంట్‌ ప్రకటించింది. దీంతో కస్టమర్లు ఎగబడ్డారు. వారికి క్రంటోల్ చేయలేక ఆ షాపువారు కూడా చేతులెత్తేశారు. దీంతో పోలీసులు కూడా రంగ ప్రవేశం చేయాల్సి వచ్చింది.

Also Read: undefined

జెయింట్ క్యాసినో అనే రిటైల్ స్టోర్ అనుకోకుండా పొరపాటుగా టీవీ ధరను 30.99 యూరోలుగా పెట్టింది. దీని అసలు ధర 399 యూరోలు. మన కరెన్సీలో చూస్తే.. సూపర్‌మార్కెట్ టీవీకి పొరపాటుగా పెట్టిన ధర రూ.2,450గా ఉంది. దీని అసలు ధర రూ.31,500.

Also Read: undefined

ఈ డిస్కౌంట్ డీల్ సోషల్ మీడియాలో వైరల్ అయ్యింది. దీంతో జనాలు ఆ రిటైల్ స్టోర్ ముందు క్యూ కట్టారు. ఒక్కొక్కరు ఒకటి కాకుండా 4, 5 టీవీలను షాపింగ్ ట్రాలీలో వేసుకున్నారు. దీంతో షాకైన సూపర్‌మార్కెట్ వారు ఏంటని ఆరా తీస్తే.. అసలు విషయ తెలిసింది.

Also Read: undefined

దీంతో ఆ టీవీలను డిస్కౌంట్ ధరకే ఇవ్వడానికి సూపర్‌మార్కెట్ అంగీకరించలేదు. పొరపాటుగా ఇలా జరిగిందని పేర్కొంది. అయితే కస్టమర్లు మాత్రం ఆ షాపు అధికారులపై ఆగ్రహం వ్యక్తం చేశారు. డిస్కౌంట్ ధరకు టీవీలు ఇవ్వకపోతే కదిలేదిలేదని షాపులోనే ఉండిపోయారు.

Also Read: undefined

దీంతో సూపర్ ‌మార్కెట్ యాజమాన్యం పోలీసులకు సమాచారం అందించింది. దీంతో పోలీసులు రంగ ప్రవేశం చేసి కస్టమర్లను వెనక్కి పంపించేశారు. దీంతో పరిస్థితులు సర్దుకున్నాయి. రిటైల్ స్టోర్ ఒక్క చిన్న తప్పుతో వ్యవహారం ఏకంగా పోలీసుల వరకు వెళ్లింది.