SBI: అదే జరిగింది.. ఛార్జీలు పెంచేసిన ఎస్‌బీఐ.. కస్టమర్లకు పెద్ద దెబ్బ.. కొత్త రేట్లు ఇవే..

SBI: ఎస్‌బీఐ Cards and Payment Services మరో కీలక ప్రకటన చేసింది. SBI క్రెడిట్ కార్డు ప్రాసెసింగ్ ఛార్జీలను పెంచేసింది. మార్చి 17 నుంచి పెంచిన ఛార్జీలు అమల్లోకి వస్తాయని తెలిపింది. ఈ మేరకు ఎస్‌బీఐ కార్డ్స్.. తన కస్టమర్లకు మెయిల్‌లో తెలిపింది. మీరు ఎస్‌బీఐ కార్డ్ క్రెడిట్ కార్డ్ కస్టమర్ అయితే.. మీపై ఛార్జీల మోత మోగిపోతుంది. గతంలో చెప్పినట్లుగానే ఎస్‌బీఐ రెంట్ పేమెంట్స్‌పై ప్రాసెసింగ్ ఛార్జీలను భారీగా పెంచేసింది. గతంలో ఈ రెంట్ పేమెంట్స్ ప్రాసెసింగ్ ఫీజు ట్యాక్స్‌కు అదనంగా రూ.99గా ఉంటే.. ఇప్పుడు అది ఏకంగా రూ.199కి ఎగబాకింది. అంటే రెట్టింపు అయిందన్నమాట. ఇంకా ట్యాక్స్ అదనంగా ఉంది. 100 శాతం కంటే ఎక్కువ పెరిగింది. 2023, మార్చి 17 నుంచి.. ఎస్‌బీఐ క్రెడిట్ కార్డులతో చేసే రెంట్ పేమెంట్ ప్రాసెసింగ్ ఛార్జీలు (SBI Processing Charges) మారుతాయని ఫిబ్రవరిలోనే ప్రకటించింది. 2022 నవంబర్‌లోనూ ఈ క్రెడిట్ కార్డు ప్రాసెసింగ్ ఛార్జీల్ని SBI Cards పెంచింది.

అంటే ఇకపై ఎస్‌బీఐ క్రెడిట్ కార్డు వాడేవారు.. దీనితో చేసే రెంట్ పేమెంట్లపై ప్రాసెసింగ్ ఛార్జీలు ఎక్కువ కట్టాల్సిందే అన్నమాట. గతంలో చెల్లించిన దాని కంటే డబుల్ కట్టాల్సి వస్తుంది. ఇక ఈ రెంట్ పేమెంట్ ప్రాసెసింగ్ ఛార్జీలు బ్యాంకుల్ని బట్టి మారుతుంటాయి. ఐసీఐసీఐ బ్యాంక్‌లో రెంట్ పేమెంట్స్‌లో ఒక శాతం ప్రాసెసింగ్ ఫీజుగా వసూలు చేస్తోంది. హెచ్‌డీఎఫ్‍‌సీ కూడా ఇంతే మొత్తంలో వసూలు చేయనున్నట్లు గతంలో వివరించింది. ఇక కోటక్ మహీంద్రా బ్యాంక్.. రెంట్ పేమెంట్స్‌కు సంబంధించి ఇందులో ఒక శాతం ఛార్జీ సహా జీఎస్‌టీ అదనంగా వసూలు చేస్తున్నట్లు తెలిపింది. ఇదే తీరున బ్యాంక్ ఆఫ్ బరోడాలో కూడా ఉంది.

ప్రస్తుతానికి SBI Cards మాత్రమే.. రెంట్ పేమెంట్స్ ప్రాసెసింగ్ ఛార్జీల్ని నగదు రూపంలో వసూలు చేస్తున్నట్లు తెలుస్తోంది. మిగతా వన్నీ పర్సంటేజీల రూపంలో తీసుకుంటున్నాయి. ఇక మిగతావాటీతో పోలిస్తే SBI కాస్త ఎక్కువే వసూలు చేస్తున్నట్లు సమాచారం. వీటికి అదనంగా.. డెబిట్ కార్డు ఛార్జీలు, SMS ఛార్జీలు, పాస్‌బుక్ ఛార్జీలు, ఏటీఎం ఛార్జీలు ఇలా చాలానే ఉంటాయి.

Bonus: ఉద్యోగులకు మొన్న 50 నెలల జీతం బోనస్.. ఇప్పుడు మరో బంపర్ ఆఫర్.. కలలో ఊహించని రీతిలో ప్రకటనలు! Google Layoffs: తొలగించిన గూగుల్ ఉద్యోగులకు అత్యంత చేదు అనుభవం.. ఆ డబ్బులేం రావట! Rajalakshmi Vijay: జాగింగ్ చేస్తుండగా ఢీకొట్టిన కారు.. టెక్ కంపెనీ సీఈఓ దుర్మరణం.. ఎంత పనైంది!

• Read Latest Business News and Telugu News