SBI Interest Rates : ఇంటి రుణాలు తీసుకునే వారికి గమనిక.. ఈ రేట్లు కూడా పెంపు!

SBI Interest Rates : స్టేట్ బ్యాంకు ఆఫ్ ఇండియా(ఎస్‌బీఐ) హోమ్ లోన్లపై తన ఎక్స్‌టర్నల్ బెంచ్‌మార్క్ లెండింగ్ రేటు(ఈబీఎల్ఆర్)ను పెంచింది. ఈ రేటును 50 బేసిస్ పాయింట్లు పెంచి 7.5 శాతానికి చేర్చినట్టు State Bank of India ప్రకటించింది. ఆర్ఎల్ఎల్ఆర్ అనేది 6.65 శాతం ప్లస్ సీఆర్‌పీగా ఉండనుందని ఎస్‌బీఐ పేర్కొంది. ఈ కొత్త వడ్డీ రేట్లు జూన్ 1, 2022 నుంచి అమల్లోకి వస్తాయని ఎస్‌బీఐ తన వెబ్‌సైట్‌లో పేర్కొంది. అంతకుముందు ఈబీఎల్ఆర్ 6.65 శాతంగా.. రెపో లింక్డ్ లెండింగ్ రేటు(ఆర్ఎల్ఎల్ఆర్) 6.25 శాతంగా ఉండేది. ప్రస్తుతం ఈ రేట్లు మరింత పెరిగాయి. SBI website ప్రకారం.. ఎక్స్‌టర్నల్ బెంచ్‌మార్క్ ఆధారితంగా నిర్ణయించే వడ్డీ రేటులో ఎక్స్‌టర్నల్ బెంచ్‌మార్క్(ఈబీఆర్) ప్లస్ క్రెడిట్ రిస్క్ ప్రీమియం(సీఆర్‌పీ) కలిసి ఉంటాయి. బ్యాంకు ఏదైనా లోన్‌ను అంటే ఇంటి రుణాన్ని, వాహన రుణాన్ని ఆఫర్ చేసేటప్పుడు.. బ్యాంకులు ఈబీఎల్ఆర్, ఆర్‌ఎల్ఎల్ఆర్‌కు క్రెడిట్ రిస్క్ ప్రీమియం(సీఆర్‌పీ)ని కలుపుతాయి.

Also Read : Post office : ఈ స్కీమ్స్‌లో 7 శాతానికి పైగా వడ్డీ, మీ సేవింగ్స్‌కు లాభాలు పక్కా!

జనవరి 2019 నుంచే ఎస్‌బీఐ రెపో రేటుకి అనుసంధానమైన ఈబీఎల్ఆర్‌ను వాడుతోంది. అప్పటి నుంచి ఈబీఎల్ఆర్ స్థిరంగా ఉంది. రిజర్వు బ్యాంకు ఆఫ్ ఇండియా బెంచ్ మార్క్ వడ్డీ రేటుకి అనుగుణంగా ఈ రేటులో మార్పులుండేవి.

గత వారంలోనే ఎస్‌బీఐ తన మార్జినల్ ఖర్చు ఆధారిత లెండింగ్ రేట్లను(ఎంసీఎల్ఆర్)ను 10 బేసిస్ పాయింట్లు పెంచింది. కొత్త ఎంసీఎల్ఆర్ వడ్డీ రేట్లు మే 15, 2022 నుంచే అమల్లోకి తెచ్చింది. ఎస్‌బీఐ వెబ్‌సైట్ ప్రకారం, ఓవర్‌నైట్, నెల వ్యవధి, మూడు నెలలు, ఆరు నెలల ఎంసీఎల్ఆర్ రేట్లు 10 బేసిస్ పాయింట్లు పెరిగి.. ఈ రేట్లు 6.85 శాతానికి, 6.85 శాతానికి, 6.85 శాతానికి, 7.15 శాతానికి చేరుకున్నాయి. అదేవిధంగా ఏడాది కాలానికి గల రుణాల ఎంసీఎల్ఆర్ 7.20 శాతానికి, రెండేళ్ల రుణాల ఎంసీఎల్ఆర్ 7.40 శాతానికి, మూడేళ్ల వ్యవధి గల ఎంసీఎల్ఆర్ 7.50 శాతానికి పెరిగింది.

Also Read : PM Kisan eKYC : రైతులకు అలర్ట్, డబ్బులు పొందాలంటే ఇంకా 8 రోజులే సమయం