SBI: ఎస్‌బీఐ కొత్త స్కీమ్.. ఇందులో చేరితే అదిరిపోయే బెనిఫిట్స్.. ఈ ఆఫర్ కొద్దిరోజులే..!

SBI: రిజర్వ్ బ్యాంక్ ఆఫ్ ఇండియా రెపో రేటు (RBI Repo Rate) వరుసగా పెంచుకుంటూ పోతున్న నేపథ్యంలో.. ఆయా బ్యాంకులు కూడా అన్ని రకాల లోన్లపై వడ్డీ రేట్లను పెంచుతున్నాయి. మరోవైపు.. ఫిక్స్‌డ్ డిపాజిట్లపై వడ్డీ రేట్లను (FD Rates) పెంచుతూ ఉపశమనం కల్పిస్తున్నాయి. ఈ నేపథ్యంలోనే ప్రభుత్వ రంగ బ్యాంక్.. స్టేట్ బ్యాంక్ ఆఫ్ ఇండియా శుభవార్త చెప్పింది. పరిమిత కాల ఫిక్స్‌డ్ డిపాజిట్ పథకాన్ని తీసుకొచ్చింది. దీనిపై వడ్డీ కూడా ఎక్కువగా అందనుంది. ఈ స్కీమ్‌కు అమృత్ కలశ్ డిపాజిట్ (SBI Amrit Kalash Deposit) అని పేరు కూడా పెట్టింది. ఇక ఈ కొత్త డిపాజిట్ స్కీం 2023, ఫిబ్రవరి 15 నుంచి 2023 మార్చి 31 వరకు మాత్రమే అందుబాటులో ఉండనుంది. అందుకే త్వరపడాలంటూ ఎస్‌బీఐ చెబుతోంది. ఈలోపు డిపాజిట్లు చేసినవారికి అధిక వడ్డీ అందనున్నట్లు వివరించింది.

SBI Amrit Kalash Deposit Interest Rate ఈ కొత్త డిపాజిట్ స్కీం 400 రోజుల వ్యవధి ఉండనుంది. దీనిపై సాధారణ పౌరులకు 7.10 శాతం వడ్డీ ఆఫర్ చేస్తుండగా.. సీనియర్ సిటిజెన్లకు అత్యధికంగా 7.60 శాతం వడ్డీ అందనుంది. ఇది డొమెస్టిక్, NRI కస్టమర్ల కోసం తీసుకొచ్చినట్లు, అధిక వడ్డీ అందించనున్నట్లు ఎస్‌బీఐ తన అధికారిక ట్విట్టర్‌లో ప్రకటించింది. ఎస్‌బీఐ సిబ్బంది, పింఛన్‌దారులకు ఒక శాతం అదనంగా వడ్డీ అందించనున్నట్లు స్పష్టం చేసింది.

ఈ డిపాజిట్లు మాత్రమే..

డొమెస్టిక్ రిటైల్ టర్మ్ డిపాజిట్లు (NRI Rupee Term Deposits తో కలిపి) రూ.2 కోట్లకు లోబడి డిపాజిట్‌కు అవకాశం
న్యూ అండ్ రెనివల్ డిపాజిట్లు
టర్మ్ డిపాజిట్లు, స్పెషల్ టర్మ్ డిపాజిట్లు మాత్రమే.

Tata Group: టాటాలు ఎక్కడా తగ్గట్లేదుగా.. ఏకంగా 840 విమానాల కొనుగోలుకు డీల్!.. రికార్డులన్నీ బ్రేక్! Wipro కీలక నిర్ణయం.. ఎగిరి గంతేస్తున్న IT ఉద్యోగులు.. మాంద్యం ముంచుకొస్తున్నా గొప్ప మనసుతో..!

వడ్డీ రేటు చెల్లింపు విధానం..

టర్మ్ డిపాజిట్లకు అయితే.. నెలవారీగా లేదా 3 నెలలకు ఓసారి, 6 నెలలకు ఓసారి కాగా.. స్పెషల్ టర్మ్ డిపాజిట్లకు మాత్రం మెచూరిటీలో చెల్లిస్తారు. ఇన్‌కంటాక్స్ చట్టం ప్రకారం.. TDS వర్తిస్తుంది.

ఇక సీనియర్ సిటిజెన్లకు 7.6 శాతం వడ్డీ రేటు అనగా.. వారు రూ.లక్ష డిపాజిట్ చేస్తే 400 రోజుల స్కీమ్‌లో భాగంగా వడ్డీ రూ.8600 వస్తుంది. సాధారణ పౌరులకు 7.1 శాతం వడ్డీ చొప్పున రూ. 8017 లభిస్తుంది.

ఎస్‌బీఐ బ్రాంచులు, SBI యోనో యాప్, ఇంటర్నెట్ బ్యాంకింగ్ ద్వారా.. ఈ స్పెషల్ ఫిక్స్‌డ్ డిపాజిట్ స్కీం కోసం అప్లికేషన్ పెట్టుకోవచ్చు.

ఇక ఇటీవల స్టేట్ బ్యాంక్ ఆఫ్ ఇండియా.. ఫిక్స్‌డ్ డిపాజిట్లపై వడ్డీ రేట్లను కూడా పెంచింది. గరిష్టంగా 25 బేసిస్ పాయింట్ల వరకు పెంచగా వేర్వేరు కాలపరిమితులను బట్టి సాధారణ పౌరులకు 3 నుంచి 7 శాతం వరకు వడ్డీ అందిస్తుండగా.. సీనియర్ సిటిజెన్లకు 3.5 శాతం నుంచి 7.5 శాతం వరకు వడ్డీ ఆఫర్ చేస్తోంది. మరోవైపు.. ఇదే SBI రిజర్వ్ బ్యాంక్ రెపో రేటు పెంపునకు అనుగుణంగా లోన్లపై వడ్డీ రేటును కూడా పెంచింది.

China Top Tech Billionaire: బ్యాంక్ ఛైర్మన్ మిస్సింగ్.. ఒక్కరోజే 30 శాతం కుప్పకూలిన షేరు.. అసలేమైనట్లు! Layoffs: ఎక్కడైతే జాబ్ పోగొట్టుకున్నారో.. అక్కడే వెతుక్కుంటున్నారు.. ఈ ఉద్యోగుల బాధ వర్ణణాతీతం!

• Read Latest Business News and Telugu News