Sbi Two Wheeler Loan Scheme: Own Your Dream Bike, State Bank Of India Makes It Possible
SBI టూవీలర్ లోన్.. రూ.2 లక్షల వరకు రుణం.. ఇలా అప్లై చేసుకోండి!
సంక్రాంతి పండుగకు కొత్త బైక్ కొనుగోలు చేయాలని ప్లాన్ చేస్తున్నారా? లేదంటే కూతురికి స్కూటర్ కొనివ్వాలని చూస్తున్నారా? కానీ చేతిలో డబ్బులు తక్కువగా ఉన్నాయా? అయితే చింతించాల్సిన అవసరం లేదు. మీకు ఒక మంచి ఆప్షన్ అందుబాటులో ఉంది.
Samayam Telugu13 Jan 2020, 2:07 pm
సంక్రాంతి పండుగకు కొత్త బైక్ కొనుగోలు చేయాలని ప్లాన్ చేస్తున్నారా? లేదంటే కూతురికి స్కూటర్ కొనివ్వాలని చూస్తున్నారా? కానీ చేతిలో డబ్బులు తక్కువగా ఉన్నాయా? అయితే చింతించాల్సిన అవసరం లేదు. మీకు ఒక మంచి ఆప్షన్ అందుబాటులో ఉంది.
ఎస్బీఐ లోన్
దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్బీఐ) తన కస్టమర్లకు టూవీలర్ లోన్స్ అందిస్తోంది. తక్కువ డాక్యుమెంట్లతోనే రుణం పొందొచ్చు. వడ్డీ రేటు కూడా ఆకర్షణీయంగానే ఉంది. ఎస్బీఐ టూవీలర్ లోన్ ద్వారా స్కూటర్, మోటార్సైకిల్, ఎలక్ట్రిక్ టూవీలర్ వంటి వాటిని కొనుగోలు చేయవచ్చు.
మీరు స్టేట్ బ్యాంక్కు వెళ్లి టూవీలర్ లోన్ తీసుకోవాలని భావిస్తే.. మీ ఆదాయం మాత్రం నెలకు కనీసం రూ.12,500 ఉండాలి. అలాగే వయసు 65 ఏళ్లు మించ కూడదు. 21 ఏళ్లు నిండిన భారతీయ పౌరుడై ఉండాలి.
స్టేట్ బ్యాంక్ టూవీలర్ లోన్ కింద ఏకంగా రూ.2.5 లక్షల వరకు రుణం తీసుకోవచ్చు. సూపర్ బైక్ కొనుగోలుకు ఇది వర్తిస్తుంది. మీకు ఇంత డబ్బు వద్దనుకుంటే లోన్ కింద కనీసం రూ.30,000 తీసుకున్న సరిపోతుంది.
ఉద్యోగం చేసే వారి విషయానికి వస్తే.. వారి నికర నెల జీతానికి 6 రెట్లు మొత్తాన్ని లోన్ కింద గరిష్టంగా పొందొచ్చు. ఇక స్వయం ఉపాధి పొందుతున్న వారు, ఇతర వ్యాపారాలు చేసేవారు వారి వార్షిక ఆదాయంలో 50 శాతం వరకు రుణాన్ని పొందొచ్చు. మీకు ఎంత రుణం అందించాలనే అధికారం అంతిమంగా బ్యాంక్దే.
బ్యాంక్ నుంచి టూవీలర్ లోన్ తీసుకున్న తర్వాత ఆ మొత్తాన్ని మూడేళ్లలోపు తిరిగి చెల్లించాల్సి ఉంటుంది. అంటే 36 ఈఎంఐలలో తీసుకున్న టూవీలర్ రుణాన్ని కట్టేయాలి. మీ రుణ మొత్తం ప్రాతిపదికన లోన్ ఈఎంఐ డబ్బులు మారతాయి.
కేంద్ర రాష్ట్ర ప్రభుత్వాలు, పీఎస్యూలు, కార్పొరేషన్స్, లిస్టెడ్ ప్రైవేట్ కంపెనీలకు చెందిన ఉద్యోగులు లోన్ కోసం అప్లై చేసుకోవచ్చు. అయితే వీరి శాలరీ అకౌంట్ ఎస్బీఐలో ఉండాలి. అలాగే స్వయం ఉపాధి పొందుతున్న వారు కూడా రుణం పొందొచ్చు. బ్యాంక్లో ఎఫ్డీ కలిగిన వారు వ్యవసాయ రంగానికి చెందిన వారు కూడా లోన్కు అర్హత కలిగి ఉన్నారు. రుణాలు హోమ్ బ్రాంచుల్లో మాత్రమే రుణం పొందగలం.
రుణం పొందాలంటే ఆరు నెలల బ్యాంక్ స్టేట్మెంట్ తప్పనిసరి. రెండు పాస్పోర్ట్ సైజ్ ఫోటోలు కావాలి. పాస్పోర్ట్/ఓటర్ ఐడీ/పాన్ కార్డు జిరాక్స్ అవసరం అవుతుంది. ఆధార్ వంటి అడ్రస్ ప్రూఫ్ డాక్యుమెంట్ కూడా కావాలి. లేటెస్ట్ శాలరీ స్లిప్ తప్పనిసరి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.