HDFC, ఎస్‌బీఐ, ఐసీఐసీఐ.. ఏ బ్యాంక్‌లో డబ్బులు దాచుకుంటే బెస్ట్?

మీ చేతిలో డబ్బులు ఉన్నాయా? వీటిని బ్యాంక్‌లో ఫిక్స్‌డ్ డిపాజిట్ FD చేయాలని భావిస్తున్నారా? ఏ బ్యాంక్‌లో డబ్బులు ఎఫ్‌డీ చేయాలో అర్థం కావడం లేదా? అయితే మీరు ఈ విషయం తెలుసుకోవాలి. ముందుగా ఏ ఏ బ్యాంక్‌లో వడ్డీ రేట్లు ఎలా ఉన్నాయో గమనించాలి. దేశీ ప్రముఖ బ్యాంకుల్లో ఒకటైన యస్ బ్యాంక్ ఏడాది ఎఫ్‌డీలపై 5.75 శాతం నుంచి వడ్డీని అందిస్తోంది. ఐదేళ్లు లేదా ఆపైన కాల పరిమితిలోని ఎఫ్‌డీలపై 6.5 శాతం వరకు వడ్డీ వస్తుంది. డీసీబీ బ్యాంక్ కూడా 5.3 శాతం నుంచి 5.9 శాతం వరకు వడ్డీని ఆఫర్ చేస్తోంది.

యాక్సి్స్ బ్యాంక్ 5.1 శాతం వడ్డీని అందిస్తోంది. గరిష్టంగా 5.75 శాతం వరకు వడ్డీ పొందొచ్చు. ఆర్‌బీఎల్ బ్యాంక్ అయితే 6 శాతం నుంచి 6.3 శాతం వరకు వడ్డీని అందిస్తోంది. ఎస్‌బీఐ అయితే 5 శాతం నుంచి వడ్డీని అందిస్తోంది. గరిష్టంగా 5.4 శాతం వరకు వడ్డీ లభిస్తుంది. హెచ్‌డీఎఫ్‌సీ బ్యాంక్‌లో అయితే 4.9 శాతం నుంచి 5.5 శాతం వరకు వడ్డీ వస్తుంది. ఐసీఐసీఐ బ్యాంక్‌లో అయితే 4.9 శాతం నుంచి 5.4 శాతం వరకు వడ్డీ పొందొచ్చు.

Also Read: undefined

Also Read: undefined