Loan: డాక్యుమెంట్స్ లేకుండా క్షణాల్లో లోన్ ఇస్తామంటున్న బ్యాంక్.. వివరాలు ఇలా!

Personal Loan: మీరు ఆర్థిక ఇబ్బందులు పడుతున్నారా? రుణం కోసం చూస్తున్నారా? అయితే మీకు శుభవార్త. మీకోసం ఒక ఆప్షన్ అందుబాటులో ఉంది. మీరు ప్రభుత్వ రంగ అతిపెద్ద బ్యాంక్ స్టేట్ బ్యాంక్ ఆఫ్ ఇండియాలో (ఎస్‌బీఐ) కస్టమర్ అయితే మీకో ఆప్షన్ లభిస్తోంది. సులభంగానే డబ్బులు పొందొచ్చు. ఈజీగా క్షణాల్లో లోన్ తీసుకోవచ్చు. ఎలా అని అనుకుంటున్నారా? అయితే మీరు ఈ విషయం తెలుసుకోవాల్సిందే. ఎస్‌బీఐ తాజాగా ట్విట్టర్ వేదికగా ఈ విషయాన్ని వెల్లడించింది. క్షణాల్లో కేవలం 4 క్లిక్స్‌తోనే లోన్ పొందొచ్చని తెలియజేస్తోంది. ఎంపిక చేసిన కస్టమర్లకు మాత్రమే ఇది వర్తిస్తుంది. మీరు ఎస్బీఐ నుంచి లోన్ పొందాలని చూస్తే యోనో యాప్‌ను ఉపయోగిస్తూ ఉండాలి. దీని ద్వారా ఇన్‌స్టాంట్ పర్సనల్ లోన్ పొందొచ్చు. ఎలాంటి ఫిజికల్ డాక్యుమెంట్లు అవసరం లేదు. అలాగే బ్యాంక్ బ్రాంచ్‌కు కూడా వెళ్లాల్సిన పని లేదు. సులభంగా లోన్ పొందొచ్చు. మీరు ఎస్‌బీఐ యోనో యాప్‌లోకి వెళ్లి ప్రిఅప్రూవ్డ్ లోన్ ఆఫర్ మీకు అందుబాటులో ఉందో లేదో చెక్ చేసుకోవచ్చు. లేదంటే ఎస్ఎంఎస్ ద్వారా కూడా మీరు మీ ఎలిజిబిలిటీని తెలుసుకోవచ్చు. దీని కోసం మీరు పీఏపీఎల్ అని టైప్ చేసి స్పేస్ ఇచ్చి బ్యాంక్ అకౌంట్ చివరి నాలుగు అంకెలు ఎంటర్ చేసి 567676 నెంబర్‌కు ఎస్ఎంఎస్ పంపాలి. ఇప్పుడు మీకు మీ రుణ అర్హత తెలుస్తుంది. మీకు లోన్ అర్హత ఉంటే.. అప్లై చేసుకున్న క్షణాల్లో రుణ మొత్తం మీ బ్యాంక్ ఖాతాలో జమ అవుతుంది. వడ్డీ రేటు 9.8 శాతం నుంచి ప్రారంభం అవుతోంది.


Also Read: undefined


ఎస్‌బీఐ అర్హత ఉన్న కస్టమర్లకు గరిష్టంగా రూ. 20 లక్షల వరకు రుణం అందిస్తోంది. తీసుకున్న రుణాన్ని 72 నెలలలోగా తిరిగా చెల్లించాల్సి ఉంటుంది. కనీసం రూ. 25 వేల నుంచి కూడా రుణం పొందొచ్చు. ఎస్‌బీఐ ఇన్‌స్టంట్ పర్సనల్ లోన్స్ మాత్రమే కాకుండా ఇతర తరహా పర్సనల్ లోన్స్ కూడా ఆఫర్ చేస్తోంది. ఎస్‌బీఐ క్విక్ పర్సనల్ లోన్, ఎస్‌బీఐ పెన్షన్ లోన్, ఎస్‌బీఐ ఎక్స్‌ప్రెస్ క్రెడిట్, ఎస్‌బీఐ కవచ్ పర్సనల్ లోన్ వంటివి కూడా ఉన్నాయి. వీటిల్లో మీకు నచ్చిన లోన్ పొందొచ్చు.

లోన్ తీసుకునే ముందు కొన్ని విషయాలను గుర్తించుకోవాలి. ప్రాసెసింగ్ ఫీజు, ప్రిపేమెంట్ చార్జీలు, ఫోర్‌క్లోజర్ చార్జీలు వంటివి ఉంటాయి. వీటిని చూడాలి. అలాగే వడ్డీ రేట్లను కూడా బేరీజు వేసుకోవాలి. తక్కువ వడ్డీ రేటుకు లోన్ తీసుకోవడానికి ప్రయత్నించాలి. అలాగే బ్యాంకులు క్రెడిట్ స్కోర్ బాగున్న వారికే రుణాలు ఇవ్వడానికి ఇష్టపడతాయి. అందువల్ల మీ సిబిల్ స్కోర్‌ ఎలా ఉందో చెక్ చేసుకోండి.

Also Read: undefined