Senior Citizens FD Rates: ఈ చిన్న బ్యాంక్ కీలక ప్రకటన.. వడ్డీ రేట్లు భారీగా పెంపు.. బంపర్ ఆఫర్..

Senior citizens FD Rates: ఉత్కర్ష్ స్మాల్ ఫైనాన్స్ బ్యాంక్ కీలక ప్రకటన చేసింది. ఫిక్స్‌డ్ డిపాజిట్లపై వడ్డీ రేట్లను సవరించింది. రూ. 2 కోట్లకు లోబడిన డిపాజిట్లపై వడ్డీ రేట్లను పెంచేసింది. రేట్లను సవరించిన తర్వాత ప్రస్తుతం సాధారణ ప్రజలకు డిపాజిట్లపై 4 శాతం నుంచి 7 శాతం వరకు వడ్డీ అందుతుండగా.. ఇదే సమయంలో సీనియర్ సిటిజెన్లకు 4.60 శాతం నుంచి 7.60 శాతం వరకు వడ్డీ వస్తోంది. ఇక 1000 నుంచి 1500 రోజుల టెన్యూర్ ఉన్న FD పై సాధారణ ప్రజలు గరిష్టంగా 8.25 శాతం వడ్డీ పొందుతున్నారు. మరోవైపు సీనియర్ సిటిజెన్లకు ఈ డిపాజిట్‌పై అత్యధికంగా 8.85 శాతం వడ్డీ వస్తుండటం విశేషం. ఇది ఇతర చాలా బ్యాంకులతో పోలిస్తే చాలా చాలా ఎక్కువ కావడం విశేషం. ఉత్కర్ష్ స్మాల్ ఫైనాన్స్ బ్యాంక్ అధికారిక వెబ్‌సైట్ ప్రకారం.. సవరించిన వడ్డీ రేట్లు 2023, మే 22 నుంచే అమల్లోకి వచ్చాయి.

ప్రస్తుతం ఈ బ్యాంకులో 7 రోజుల నుంచి 45 రోజుల వ్యవధి ఉన్న డిపాజిట్లపై 4 శాతం వడ్డీ వస్తుంది. 46 రోజుల నుంచి 90 రోజుల టెన్యూర్ ఉన్న FD లపై 4.75 శాతం వడ్డీ అందుతోంది. 91 రోజుల నుంచి 180 రోజుల కాలపరిమితి ఉన్న ఫిక్స్‌డ్ డిపాజిట్లపై 5.50 శాతం వడ్డీ ఆఫర్ చేస్తోంది ఈ బ్యాంక్. 181 రోజుల నుంచి 364 రోజుల వ్యవధి ఉన్న డిపాజిట్లపై 6.50 శాతం వడ్డీ వస్తుండటం విశేషం.

Electric Scooter: అంతా ఎదురుచూసే సింపుల్ వన్ వచ్చేసింది.. సింగిల్ ఛార్జ్‌తో ఏకంగా 212 కిలోమీటర్ల జర్నీ!

• కోపంతో ఊగిపోతూ టాటాకు లెటర్ రాసిన సుధా మూర్తి.. తప్పు చేస్తున్నారంటూ కామెంట్స్.. అసలు జరిగిందిదే!

ఇక 365 రోజుల నుంచి 699 రోజుల వ్యవధి ఉన్న డిపాజిట్లపై 7.75 శాతం వడ్డీ ఆఫర్ చేస్తోంది ఉత్కర్ష్ బ్యాంక్. 700 నుంచి 999 రోజుల టెన్యూర్ ఉన్న ఎఫ్‌డీలపై 8 శాతం వడ్డీ వస్తోంది. ముందుగా చెప్పుకున్నట్లుగా అంతకంటే ఎక్కువ అంటే 1000 రోజుల నుంచి 1500 రోజుల వ్యవధి ఉన్న FD పై 8.25 శాతం వడ్డీ ఇస్తోంది. కొత్తగా తీసుకునే ఫిక్స్‌డ్ డిపాజిట్లు సహా.. ఇప్పటికే తీసుకున్న FDలపై రెనివల్ కోసం కూడా కొత్త వడ్డీ రేట్లు అమల్లోకి వస్తాయని బ్యాంక్ స్పష్టం చేసింది.

మరోవైపు యూనియన్ బ్యాంక్ ఆఫ్ ఇండియా కూడా ఫిక్స్‌డ్ డిపాజిట్ వడ్డీ రేట్లను పెంచింది. ఈ నిర్ణయం మే 23 న అమల్లోకి వచ్చింది. ఈ బ్యాంక్ ప్రస్తుతం 7 రోజుల నుంచి 10 సంవత్సరాల వ్యవధి ఉన్న FD లపై 3 శాతం నుంచి గరిష్టంగా 6.70 శాతం వరకు వడ్డీ ఇస్తోంది. అయితే గరిష్టంగా 399 రోజుల టెన్యూర్ ఉన్న డిపాజిట్లపై 7 శాతం వడ్డీ ఆఫర్ చేస్తోంది.

రూ. 2 వేల నోట్లు మారుస్తున్నారా? ఈ రూల్స్ అన్నీ తెలుసా మరి.. అందులో అస్సలు చిక్కుకోకండి!

• Read Latest Business News and Telugu News