ఐటీ అండతో మార్కెట్లకు లాభాలు

నేటి ట్రేడింగ్‌లో ఐటీ, విద్యుత్ షేర్లు లాభపడగా.. ఆటో, వినియోగం, ఇన్‌ఫ్రా, మెటల్ రంగాల షేర్లు నష్టాల్లో ముగిశాయి. అంతర్జాతీయంగా ముడి చమురు ధరలు తగ్గడం, డాలరుతో పోలిస్తే రూపాయి మారకం విలువ బలపడటం మార్కెట్లపై సానుకూల ప్రభావం చూపింది. ట్రేడింగ్ ముగిసే సమయానికి సెన్సెక్స్ 203.81 పాయింట్ల లాభంతో 35716.95, నిఫ్టీ 43.25 పాయింట్ల లాభంతో 10728.85 వద్ద ముగిసింది. డాలరుతో రూపాయి మారకం విలువ స్వల్పంగా లాభపడి 70.65 వద్ద కొనసాగుతోంది.

నేషనల్ స్టాక్ ఎక్స్ఛేంజ్‌లో టీసీఎస్ (+4.95), ఇన్ఫోసిస్ (+4.30), జీ ఎంటర్‌టైన్‌మెంట్ (+3.95), రిలయన్స్ (+2.17), హెచ్‌సీఎల్ టెక్ (+1.95) సంస్థలు అధిక లాభాలను ఆర్జించగా.. యస్ బ్యాంక్ (-11.25), బీపీసీఎల్ (-4.58), భారతీ ఎయిర్‌టెల్ (-4.28), ఐవోసీ (-3.18), టాటా మోటార్స్ (-3.11) సంస్థలు అధిక నష్టాలను చవిచూశాయి.