ఒడుదొడుకుల‌కు లోనై.. చివ‌ర‌కు న‌ష్టాల పాలై

అమెరికా-చైనా మధ్య వాణిజ్య యుద్దం నడుస్తున్నప్పటికీ ప్రపంచ మార్కెట్లు రికవరీ బాట పట్టాయి. దీంతో దేశీయంగానూ మార్కెట్లు తొలుత సానుకూలంగా ప్రారంభమయ్యాయి. అయితే రోజంతా ఒడుదొడుకుల‌కు లోనై చివరికి నష్టాలతో ముగిశాయి. ట్రేడింగ్‌ ముగిసేసరికి సెన్సెక్స్‌ 115 పాయింట్లు క్షీణించి 35,432 వ‌ద్ద ముగియ‌గా, నిఫ్టీ 31 పాయింట్ల వెనకడుగుతో 10,741 వద్ద స్థిరపడింది.

బీఎస్ఈ సెన్సెక్స్ సూచీలో ఐసీఐసీఐ బ్యాంక్ (1.47%) , రిల‌య‌న్స్(1.22%), హెచ్‌డీఎఫ్‌సీ(0.35%), టాటా మోటార్స్(0.31%), ఇన్ఫీ(0.24%)లాభ‌ప‌డ‌గా; మ‌రో వైపు ఎం అండ్ ఎం(2.11%), ఓఎన్జీసీ(1.90%), ప‌వ‌ర్ గ్రిడ్(1.88 %), ఎస్బీఐఎన్(1.67 %), స‌న్ ఫార్మా(1.67%), ఏసియ‌న్ పెయింట్స్(1.39%) అత్య‌ధికంగా న‌ష్ట‌పోయాయి.