తొమ్మిదో రోజూ లాభాలే

స్వల్ప ఒడిదొడుకులు ఎదురైనప్పటికీ వరుసగా తొమ్మిదో రోజు దేశీ స్టాక్‌ మార్కెట్లు లాభపడ్డాయి. సెన్సెక్స్‌ 90 పాయింట్లు లాభ‌పడి 34,395 వద్ద నిలవగా.. నిఫ్టీ 20 పాయింట్లు పుంజుకొని 10,549 వద్ద స్థిరపడింది. సిరియా కేంద్రంగా అమెరికా- రష్యా మధ్య తలెత్తిన ఉద్రిక్త పరిస్థితులు చ‌క్క‌బ‌డుతుండటంతో ఇన్వెస్టర్లు కొనుగోళ్లకు ఆసక్తి చూపారు. సోమవారం అమెరికా మార్కెట్లు లాభపడగా.. మ‌రో వైపు యూరోపియన్‌ మార్కెట్లు సైతం సానుకూలంగా కదులుతున్నాయి.

బీఎస్ఈ సెన్సెక్స్ సూచీలో ప‌వ‌ర్ గ్రిడ్, ఎన్టీపీసీ(1.99%), హిందుస్థాన్ యూనిలీవ‌ర్ లిమిటెడ్(1.83%), ఐసీఐసీఐ బ్యాంక్(1.50%), ఐటీసీ(1.23%) లాభ‌ప‌డిన వాటిలో ముందుండగా మ‌రో వైపు యాక్సిస్ బ్యాంక్(1.78%), స‌న్ ఫార్మా(1.27%), అదానీ పోర్ట్స్(1.24%), విప్రో(1.14%), మారుతి(0.80%), యెస్ బ్యాంక్(0.77%) బాగా న‌ష్ట‌పోయాయి.