Stock Market: అనిశ్చితికి తెర.. లాభాల్లో మార్కెట్లు!

గురువారం (మే 31) స్టాక్ మార్కెట్లు నష్టాల బారినుంచి బయటపడి స్వల్ప లాభాలతో ప్రారంభమయ్యాయి. నిన్నటి రోజున మార్కెట్‌ ముగిసే సమయానికి సెన్సెక్స్‌ 43 పాయింట్ల నష్టంతో 34,906 వద్ద, నిఫ్టీ 19 పాయింట్ల క్షీణ‌త‌తో 10,614 వద్ద ముగిశాయి. అయితే ఈ ఉదయం ఆరంభం నుంచే మార్కెట్లు కోలుకున్నట్లు కనిపించాయి. ఇటలీలో రాజకీయ అనిశ్చితి పరిస్థితులు సద్దుమణగడంతో ప్రపంచ మార్కెట్లు సానుకూలంగా ఉన్నాయి. ఈ సంకేతాలను అందిపుచ్చుకున్న దేశీయ మదుపర్లు కొనుగోళ్ల వైపు మొగ్గుచూపారు. దీంతో సూచీలు లాభాల బాట పట్టాయి.

సెన్సెక్స్‌ 100 పాయింట్లకు పైగా లాభంతో ట్రేడింగ్‌ను ప్రారంభించింది. మరోవైపు నిఫ్టీ కూడా లాభాల్లో సాగుతోంది. ఈ మధ్యాహ్నం 12.30 గంటల సమయానికి సెన్సెక్స్‌ 157 పాయింట్ల లాభంతో 35,063 వద్ద, నిఫ్టీ 45 పాయింట్ల లాభంతో 10,659 వద్ద ట్రేడ్‌ అవుతున్నాయి.