Stock Market Today: మార్కెట్లకు జోష్.. లాభాల్లో సూచీలు

క్రితం ట్రేడింగ్‌లో నష్టాలతో ముగిసిన మార్కెట్లు.. సోమవారం (అక్టోబరు 22) మంచి లాభాలతో ట్రేడింగ్‌ను ఆరంభించాయి. ఉదయం సెన్సెక్స్ 300 పాయింట్లకు పైగా లాభాలతో ప్రారంభమైంది. నిఫ్టీ కూడా మంచి లాభాలతో ట్రేడింగ్ ప్రారంభించింది. అయితే అంతలోనే ఒడుదొడుకులను లోనయ్యాయి. ఆరంభ లాభాలను కోల్పోయాయి. ఆ తర్వాత మళ్లీ పుంజుకున్నాయి. సానుకూల అంతర్జాతీయ పరిణామాలతోపాటు.. ముడిచమురు ధరలు తగ్గే అవకాశాలు మార్కెట్లకు జోష్ ఇవ్వడంతో.. ఈ వారాన్ని సూచీలు లాభాలతో ప్రారంభించాయి.

ఉదయం 10.30 గంటల సమయానికి సెన్సెక్స్‌ 175.82 పాయింట్ల నష్టంతో 34,491.45 వద్ద, నిఫ్టీ 45.25 పాయింట్ల నష్టంతో 10,348.80 వద్ద కొనసాగుతున్నాయి. డాలరుతో రూపాయి మారకం విలువ స్వల్పంగా 6 పైసలు బలపడి 73.27 వద్ద కొనసాగుతోంది.

ఎన్‌ఎస్‌ఈలో ఇండియాబుల్స్ హౌసింగ్, బజాజ్ ఫైనాన్స్, ఐసీఐసీఐ బ్యాంక్, ఐషన్ మోటార్స్, గెయిల్ తదితర షేర్లు లాభాల్లో ట్రేడ్ అవుతుండగా.. బీపీసీఎల్, యస్ బ్యాంక్, ఐవోసీ, అల్ట్రాటెక్ సిమెంట్, యూపీఎల్ తదితర షేర్లు నష్టాల్లో ట్రేడవుతున్నాయి.