Stock Market:35వేల‌కు దిగువ‌న సెన్సెక్స్

ఈ రోజు(మంగ‌ళ‌వారం) మార్కెట్లు న‌ష్టాల‌తో స‌రిపెట్టుకున్నాయి. అంత‌ర్జాతీయ ప‌రిణామాలు దేశీయ స్టాక్ మార్కెట్ల‌ను దెబ్బ‌తీశాయి. ఒక వైపు ఇటలీ, మరోపక్క స్పెయిన్‌లో తలెత్తిన రాజకీయ అనిశ్చితి కార‌ణంగా దేశీ స్టాక్‌ మార్కెట్లు న‌ష్టాల పాల‌య్యాయి. డాలరుతో మారకంలో యూరో ఆరున్నర నెలల కనిష్టం 1.15ను తాకగా.. యూరోపియన్‌ స్టాక్‌ మార్కెట్లు 3-1 శాతం మధ్య పతనమయ్యాయి. దీంతో దేశీయంగానూ మిడ్ సెషన్‌ నుంచీ అమ్మకాలు ఊపందుకోవడంతో సెన్సెక్స్ కీల‌క స్థాయి 35వేల నుంచి కింద‌కు దిగ‌జారింది.ట్రేడింగ్‌ ముగిసేసరికి 216 పాయింట్లు క్షీణించి 34,949 వద్ద నిలిచింది.మ‌రో సూచీ నిఫ్టీ 55.35(0.52%) పాయింట్లు కోల్పోయి 10,633 వ‌ద్ద ముగిసింది.


బీఎస్ఈ సెన్సెక్స్ సూచీలో ఎం అండ్ ఎం(2.26%), భార‌తీ ఎయిర్టెల్(1.08%), ఇన్ఫీ(0.72%), టీసీఎస్(0.54%), హీరో మోటోకార్ప్(0.45%) ఎక్కువ‌గా లాభ‌ప‌డిన వాటిలో ఉండ‌గా, మ‌రో వైపు ఐసీఐసీఐ బ్యాంకు(2.87%), ఎస్బీఐఎన్(2.70%), ఇండ‌స్ ఇండ్ బ్యాంక్(1.80%), యెస్ బ్యాంక్(1.78%), కొట‌క్ బ్యాంక్(1.63%), ఏసియ‌న్ పెయింట్స్(1.49%) అత్య‌ధికంగా న‌ష్ట‌పోయిన వాటిలో ముందున్నాయి.