FD Interest Rates : గుడ్‌న్యూస్, ఆ సంస్థలో 7.90 శాతానికి పెరిగిన వడ్డీ రేట్లు
రిస్క్ తీసుకోవడానికి ఇష్టపడని ఇన్వెస్టర్లకు ఫిక్స్‌డ్ డిపాజిట్లు ఉత్తమమైన పెట్టుబడి సాధనాలు. ఈ డిపాజిట్లపై స్టాక్ మార్కెట్ల ఒడిదుడుకుల ప్రభావం ఉండదు. ప్రిన్సిపల్ మొత్తంపై గ్యారెంటీ రిటర్నులను ఇవి ఆఫర్ చేస్తాయి. ఇటీవల రిజర్వు బ్యాంకు ఆఫ్ ఇండియా వడ్డీ రేటు రెపోను పెంచిన తర్వాత.. చాలా బ్యాంకులు, సంస్థలు ఎఫ్‌డీలపై వడ్డీ రేట్లను పెంచుతున్నాయి. తాజాగా మరో సంస్థ శ్రీరామ్ ట్రాన్స్‌పోర్టు ఫైనాన్స్ కూడా ఎఫ్‌డీ వడ్డీ రేట్లను పెంచింది.
ప్రధానాంశాలు:
- వడ్డీ రేట్లు పెంచిన శ్రీరామ్ ట్రాన్స్‌పోర్టు ఫైనాన్స్
- ఎఫ్‌డీలపై 7.90 శాతం వరకు పెరిగిన వడ్డీ రేట్లు
- నేటి నుంచే కొత్త వడ్డీ రేట్లు అమల్లోకి
- అత్యధిక క్రెడిట్ క్వాలిటీ ఆఫర్ చేస్తోన్న కంపెనీ
FD Interest Rates : శ్రీరామ్ ట్రాన్స్‌పోర్టు ఫైనాన్స్ కంపెనీ(ఎస్‌టీఎఫ్‌సీ) తన ఫిక్స్‌డ్ డిపాజిట్ ఖాతాదారులకు గుడ్‌న్యూస్ చెప్పింది. ఫిక్స్‌డ్ డిపాజిట్(ఎఫ్‌డీ) వడ్డీ రేట్లను 15 బేసిస్ పాయింట్ల నుంచి 25 బేసిస్ పాయింట్ల మధ్యలో పెంచింది. ఈ పెంచిన వడ్డీ రేట్లు నేటి నుంచి 30 నెలల వ్యవధి నుంచి 60 నెలల వ్యవధి గల డిపాజిట్లకు వర్తిస్తాయని శ్రీరామ్ ట్రాన్స్‌పోర్టు ఫైనాన్స్ తెలిపింది.
శ్రీరామ్ ట్రాన్స్‌పోర్టు ఫైనాన్స్ కొత్త రేట్లు..
ఒకవేళ కంపెనీ వెబ్‌సైట్ (www.stfc.in) ద్వారా ఎఫ్‌డీలను తీసుకుంటే.. 30 నెలలు, 45 నెలలు వ్యవధి గల డిపాజిట్లకు వడ్డీ రేట్లను 7.75 శాతానికి, 7.80 శాతానికి పెంచింది. అంతకుముందు 30 నెలల వ్యవధి గల ఎఫ్‌డీలపై 7.50 శాతం, 45 నెలల వ్యవధి గల ఎఫ్‌డీలపై 7.60 శాతం మాత్రమే వడ్డీని ఆఫర్ చేసేది.
Also Read : IT Department Alert : ఆ మెసేజ్‌లకు రిప్లై ఇస్తే అకౌంట్లు ఖాళీనే!
Also Read : అమ్మకానికి మెట్రో స్టోర్లు.. పోటీపడుతోన్న దిగ్గజ గ్రూప్‌లు, ఎవరికి దక్కేనో..?
శ్రీరామ్ ట్రాన్స్‌పోర్టు ఫైనాన్స్ కొత్త రేట్లు..
| టెన్యూర్ | ప్రస్తుత వడ్డీ రేటు | మార్చిన వడ్డీ రేటు |
| 12 నెలలు | 6.50 శాతం | 6.50 శాతం |
| 24 నెలలు | 6.75 శాతం | 6.75 శాతం |
| 36 నెలలు | 7.50 శాతం | 7.75 శాతం |
| 48 నెలలు | 7.60 శాతం | 7.80 శాతం |
| 60 నెలలు | 7.75 శాతం | 7.90 శాతం |
Also Read : IT Department Alert : ఆ మెసేజ్‌లకు రిప్లై ఇస్తే అకౌంట్లు ఖాళీనే!
Also Read : అమ్మకానికి మెట్రో స్టోర్లు.. పోటీపడుతోన్న దిగ్గజ గ్రూప్‌లు, ఎవరికి దక్కేనో..?