స్నాప్ డీల్‌ను అమ్మకానికి పెట్టారా?

ఈ కామర్స్ సైట్ అనగానే... ఒకప్పుడు స్నాప్ డీల్ మాత్రమే గుర్తొచ్చేది. అలాంటి స్నాప్ డీల్ ఇప్పుడు పీకల్లోతు ఆర్థిక కష్టాల్లో ఉందట. అందుకే బయటికి తెలియకుండా... దానిని అమ్మే ప్రయత్నాలు జరుగుతున్నాయని తెలుస్తోంది. నిధుల కొరతతో తీవ్ర ఇబ్బందులు పడుతున్న స్నాప్ డీల్ ను దాని మాతృసంస్థ జాస్పర్‌ ఇన్ఫోటెక్‌ విక్రయించాలన్న ఆలోచనలో ఉందట. ఫ్లిఫ్ కార్ట్ కు లేదా పేటీఎం సంస్థకు దానిని అమ్మే ప్రయత్నాలు చేస్తోందట. ఈమేరకు ఆ రెండు సంస్థలతో చర్చలు కూడా జరుగుతున్నాయని అంతర్గత సమాచారం.

గతేడాది వరకు రూ.40 వేల కోట్ల రూపాయలు పలికిన స్నాప్ డీల్... ఇప్పుడు కేవలం 11,700 కోట్లు మాత్రమే పలుకుతుండడం గమనార్హం. ఏడాదిలో 80 శాతం విలువ తగ్గిపోయింది. స్నాప్ డీల్ లో సాఫ్ట్ బ్యాంక్ అనే సంస్థ ఎక్కువ పెట్టుబడులు పెట్టింది. ఆ సంస్థే ఇప్పుడు విక్రయ చర్చలకు నాయకత్వం వహిస్తోందట. ఫ్లిప్ కార్డ్ కన్న... పేటీఎంతో చర్చలు కాస్త ఆశాజనకంగా ఉన్నాయి. పేటీఎంలో అధిక శాతం పెట్టుబడులు ఆలీబాబా సంస్థవి. ఆ సంస్థ ప్రతినిధులు ఈ విషయమై చర్చించేందుకు భారత్ కు వచ్చి వెళ్లారు.

కాగా స్నాప్ డీల్ వర్గాలు మాత్రం అమ్మకం విషయాన్ని బయటపెట్టడం లేదు. అవన్నీ పుకార్లనే తోసిపుచ్చాయి. కంపెనీ లాభాల వైపు వెళ్తోందని చెబుతున్నాయి.