Hyderabad Hitech City లో బోర్డు తిప్పేసిన Software Company.. ఉద్యోగాల పేరిట భారీ మోసం.. ఎలా నమ్మించారో తెలుసా?

Fake Jobs: హైదరాబాద్ మాదాపుర్ హైటెక్ సిటీలో (Hitech City) మరొక సాఫ్ట్‌వేర్ కంపెనీ బోర్డు తిప్పేసింది. కొండాపుర్ AMB Mall ఎదురుగా ఉన్న యునైటెడ్ అలయన్స్ టెక్నాలజీ (United Alliance Technology) అనే పేరుతో నకిలీ ఐటీ కంపెనీ ఏర్పాటు చేశారు ముగ్గురు వ్యక్తులు. వీరు సాఫ్ట్‌వేర్ ఉద్యోగం పేరిట నిరుద్యోగుల నుంచి ఒక్కొక్కరి దగ్గర రూ.1.50 లక్షల నుంచి రూ.3.50 లక్షల వరకు వసూలు చేశారు. మోసపోయిన వారికి సదరు కంపెనీ యాజమాన్యం ఆన్‌లైన్‌లో ట్రైనింగ్ (Online Training) కూడా ఇచ్చింది. మళ్లీ గత నెల రోజులుగా యాజమాన్యం నుంచి ఎలాంటి స్పందనా లేదు. దీంతో సదరు సంస్థ దగ్గరికి వచ్చిన బాధితులు, ఆ కంపెనీ మూతపడి ఉండటంతో తాము మోసపోయిన విషయాన్ని గుర్తించి లబోదిబోమంటున్నారు.

మాదాపుర్ పోలీస్ స్టేషన్‌లో ఈ విషయమై ఫిర్యాదు చేశారు. దాదాపు 100 మంది వరకు నిరుద్యోగులు మోసపోయిన వారిలో ఉన్నారు. నెల రోజుల పాటు ట్రైనింగ్ ఇస్తే.. నిజమైనదే అనుకొని మోసపోయినట్లు చెబుతున్నారు. కంపెనీ ఆర్బాటాలు, విధివిధానాలు చూసి.. చాలా మంది నిరుద్యోగులు ఆ సంస్థను సంప్రదించారు. ఇంటర్వ్యూ టైంలో యాక్టివ్‌గా ఎలా ఉండాలి? ఎలాంటి ప్రశ్నలకు ఎలాంటి సమాధానాలు ఇవ్వాలి? అని ఇలా చాలా విషయాలే చెప్పి బిల్డప్పులు కొట్టారట. తీరా ఇప్పుడు ఇలా బోర్డు తిప్పేసిందని వాపోతున్నారు.

ముత్యాల ధీరజ్, విషశ్రీ, అఖిల్ అనే ముగ్గురు వ్యక్తులు.. తమకు ఉద్యోగాలు ఇస్తామంటూ మోసం చేశారని బాధితులు ఫిర్యాదులో వెల్లడించారు. తమ బ్యాంక్ అకౌంట్ నుంచి నిందితులకు డబ్బులు పంపిన వివరాలను కూడా పోలీసులకు సమర్పించారు. తమకు ఎలాగైనా న్యాయం చేయాలని వేడుకున్నారు. కేసు నమోదు చేసుకున్న పోలీసులు.. దీనిపై దర్యాప్తు చేస్తున్నారు. ఇప్పటికే ఆర్థిక మాంద్యం భయాలతో చాలా వరకు పెద్ద పెద్ద కంపెనీలు సైతం ఉద్యోగులను తొలగిస్తున్నాయి. ఎక్కువగా ఐటీ ఉద్యోగులపైనే ఎఫెక్ట్ పడుతోంది. ఉద్యోగం ఎప్పుడు ఊడుతుందోనని భయపడుతున్నారు. ఇప్పుడు ఇలా ఏకంగా సాఫ్ట్‌వేర్ కంపెనీనే బోర్డు తిప్పేయడం వల్ల ఇతరులు భయపడుతున్నారు.

Meta Employee: గర్భిణీ అని కూడా చూడకుండా ఇలా ఎలా.. కాస్తయినా దయలేదా మార్క్ అంటూ! Medical Claim: ఆస్పత్రిలో 24 గంటలు లేకున్నా, చేరకపోయినా.. Insurance క్లెయిమ్ చేసుకోవచ్చా? దేశంలోనే అత్యంత ఖరీదైన Pent House.. విలువ వందల కోట్లు.. వార్నీ ఇంత డిమాండ్ దేనికి?

• Read Latest Business News and Telugu News