స్పైస్‌జెట్ బంపరాఫర్: రూ. 12కే టిక్కెట్!

సరసమైన ధరలకే విమాన ప్రయాణ సర్వీసులను అందిస్తోన్న స్పైస్‌జెట్ అదిరిపోయే బంపరాఫర్‌ను ప్రకటించింది. కంపెనీ వార్షికోత్సవ సేల్‌లో భాగంగా అతి తక్కవ ధర రూ. 12కే టిక్కెట్లను ఆఫర్ చేస్తోంది. అయితే దీనిపై ట్యాక్సులు, సర్‌ఛార్జీలు అదనం. స్పైస్‌జెట్ 12వ వార్షికోత్సవం సందర్భంగా దేశీ, అంతర్జాతీయ సర్వీసులపై ఈ ఆఫర్‌ను అందిస్తున్నట్లు స్పైస్‌జెట్ వెల్లడించింది.

మంగళవారం (మే 23) ప్రారంభమైన ఈ సేల్ మే 28 వరకు కొనసాగుతుందని కంపెనీ వెల్లడించింది. ఈ ఏడాది జూన్ 26 నుంచి 2018 మార్చి 24 మధ్య బుక్ చేసుకునే టిక్కెట్లకు ఈ ఆఫర్ వర్తిస్తుంది. అయితే ఈ ఆఫర్ కింద టిక్కెట్లు పరిమితంగా ఉన్నాయని, మొదట బుక్‌చేసుకున్నవారికి ప్రాధాన్యత ఉంటుందని కంపెనీ తెలిపింది. ఈ వార్షికోత్సవ సేల్‌లో ఓ లక్కీ డ్రా కాంటెస్ట్‌ను కూడా నిర్వహిస్తున్నట్లు స్పైస్‌జెట్ ప్రకటించింది. ఈ కాంటెస్ట్‌ విజేతలకు ఉచితంగా అంతర్జాతీయ ఫ్లైట్ టికెట్, దేవీ విమాన టిక్కెట్, రూ. 10వేలు విలువ చేసే హోటల్ ఓచర్‌ను అందించనున్నట్లు కంపెనీ వివరించింది.

కాగా, స్పైస్‌జెట్ సగటున రోజుకి 358 విమాన సర్వీసులను నడుపుతోంది. మొత్తం 46 గమ్యస్థానాలకు స్పైస్‌జెట్ విమానాలు నడుస్తున్నాయి. వీటిలో 39 దేశీయ గమ్యస్థానాలు కాగా, ఏడు అంతర్జాతీయ గమ్యస్థానాలు ఉన్నాయి.