ఎస్‌బీఐ వార్నింగ్.. డబ్బులు పోగొట్టుకోవద్దంటూ ఖాతాదారులకు హెచ్చరిక!

మీకు ప్రభుత్వ రంగ దిగ్గజమైన స్టేట్ బ్యాంక్ ఆఫ్ ఇండియా (ఎస్‌బీఐ)లో అకౌంట్ ఉందా? అయితే జాగ్రత్తగా ఉండండి. ఇది నేను చెబుతున్న విషయం కాదు. బ్యాంకే తన కస్టమర్లను హెచ్చరిస్తోంది. ఎలాంటి పరిస్థితుల్లోనూ కొన్ని రకాల పనులు చేయవద్దని ఖాతాదారులను అలర్ట్ చేస్తోంది. గుడ్ న్యూస్.. ఒక బ్యాంక్ కస్టమర్‌కు ఇక ఏ బ్యాంకులోనైనా ఉచితంగానే సేవలు!

ఎస్‌బీఐ తాజాగా ఆన్‌లైన్ మోసాల బారిన పడకుండా ఉండండి అంటూ కస్టమర్లకు హెచ్చరించింది. ఫేక్ సోషల్ మీడియా అకౌంట్స్‌కు దూరంగా ఉండాలంటూ ట్వీట్ చేసింది. ఫేక్ సోషల్ మీడియా అకౌంట్లను సబ్‌స్క్రై బ్ చేసుకొని ఉంటే వెంటనే వాటిని అన్‌ఫాలో కావాలని సూచించింది. ఫేక్ అకౌంట్ల వల్ల మోసాల బారిన పడే అవకాశముందని తెలిపింది.
సోషల్ మీడియా అకౌంట్‌ ద్వారా బ్యాంక్ లేదా ఏదైనా అధికారిని ట్యాగ్ చేసేటప్పుడు.. వారి అకౌంట్ వెరిఫై చేసుకోవాలని సూచించింది. తప్పుగా వేరొక అకౌంట్‌ను ట్యాగ్ చేయవద్దని తెలిపింది. సోషల్ మీడియాలో ఫేక్ అకౌంట్లు పెరిగిపోతున్నాయని పేర్కొంది. అందువల్ల కస్టమర్లు అధికారిక అకౌంట్ ఏదో చెక్ చేసుకోవాలని తెలిపింది. అలాగే వెరిఫై సైన్ చూడాలని కోరింది. తర్వాతనే ఏదైనా సమాచారం లేదరా ఆర్థిక లావాదేవీల వివరాలు తెలియజేయాలని సూచించింది.

బ్యాంక్ తన అధికారిక సోషల్ మీడియా అకౌంట్ల వివరాలు తెలిపింది. అవేంటో చూద్దాం..
1. Facebook: @StateBankOfIndia
2. Instagram: @theofficialsbi
3. Twitter: @TheOfficialSBi
4. LinkedIn: State Bank of India (SBI)
5. YouTube: State Bank of India
6. Quora: State Bank of India (SBI)
7. Pinterest: State Bank Of India

అలాగే ఆన్‌లైన్ లావాదేవీలకు సంబంధించి ఏదైనా మోసం జరిగితే వెంటనే బ్యాంక్‌కు తెలియజేయాలని తెలిపింది. దీనికోసం టోల్ ఫ్రీ నెంబర్లను ఇచ్చింది. 1800112211. 18004253800 నెంబర్లకు ఫోన్ చేసి సమస్య తెలియజేయవచ్చు.