SBI శుభవార్త.. కస్టమర్లకు పండుగ బొనాంజా.. బ్యాంక్ కీలక నిర్ణయం!

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI అదిరిపోయే శుభవార్త అందించింది. కస్టమర్లకు ఊరట కలిగే నిర్ణయం తీసుకుంది. బ్యాంక్ నుంచి లోన్ తీసుకునే వారికి తీపికబురు అందించింది. పండుగ సీజన్ నేపథ్యంలో రిబేట్ సదుపాయం కల్పిస్తోంది. అయితే కొంత మందికి మాత్రమే ఇది వర్తిస్తుంది.

స్టేట్ బ్యాంక్ ఎంపిక చేసిన హోమ్ లోన్స్‌పై 0.25 శాతం లేదా 25 బేసిస్ పాయింట్లు వరకు రాయితీ అందిస్తున్నట్లు ప్రకటించింది. పండుగ సీజన్ కారణంగా కస్టమర్లకు ఈ బెనిఫిట్ కల్పిస్తున్నట్లు పేర్కొంది. 75 లక్షలకు పైన హోమ్ లోన్ తీసుకున్న వారు వడ్డీ రేటులో 20 బేసిస్ పాయింట్ల వరకు తగ్గింపు పొందొచ్చని బ్యాంక్ తెలిపింది. సిబిల్ స్కోర్ ప్రాతిపదికన కస్టమర్లకు ఈ బెనిఫిట్ లభిస్తుంది.

Also Read: undefined

ఇక యోనో యాప్ ద్వారా హోమ్ లోన్ కోసం అప్లై చేసుకునే వారికి మళ్లీ అదనంగా 5 బేసిస్ పాయింట్ల వరకు వడ్డీ రేటులో తగ్గింపు లభిస్తుంది. అంటే మొత్తంగా హోమ్ లోన్ తీసుకునే వారు వడ్డీ రేటులో 0.25 శాతం తగ్గింపు పొందొచ్చు. ఇవే బెనిఫిట్స్ మెట్రో నగరాల్లో రూ.3 కోట్ల వరకు హోమ్ లోన్ తీసుకున్న కస్టమర్లకు కూడా వర్తిస్తాయి.

Also Read: undefined

రూ.30 లక్షలకు పైన రూ.75 లక్షలకు లోపు హోమ్ లోన్స్ తీసుకున్న వారికి 10 బేసిస్ పాయింట్ల వరకు తగ్గింపు లభిస్తుందని ఎస్‌బీఐ తెలిపింది. మహిళలు హోమ్ లోన్ తీసుకుంటే వారు అదనంగా 5 బేసిస్ పాయింట్ల తగ్గింపు పొందొచ్చు. ప్రస్తుతం స్టేట్ బ్యాంక్‌లో హోమ్ లోన్స్‌పై వడ్డీ రేటు 6.9 శాతం నుంచి ప్రారంభమౌతున్న విషయం తెలిసిందే.

ఇకపోతే ఎస్‌బీఐ ఇప్పటికే ఇతర రుణాలపై కూడా ఆఫర్లు అందిస్తంది. కారు, గోల్డ్, పర్సనల్ లోన్స్‌పై 100 శాతం ప్రాసెసింగ్ ఫీజు మాఫీ కల్పిస్తోంది. కార్ లోన్‌పై వడ్డీ రేటు 7.5 శాతం నుంచి ప్రారంభమౌతోంది. గోల్డ్ లోన్‌పై కూడా ఇదే వడ్డీ పడుతుంది. పర్సనల్ లోన్‌పై వడ్డీ రేటు 9.6 శాతం నుంచి ప్రారంభమౌతోంది. అంతేకాకుండా కస్టమర్లు యోనో యాప్ ద్వారా అయితే ప్రిఅప్రూవ్డ్ పర్సనల్ లోన్స్, ఇన్‌స్టా హోమ్ టాపప్ లోన్స్ వంటివి పొందొచ్చు.