Gold Loan, కార్ లోన్, పర్సనల్ లోన్ తీసుకునే వారికి SBI అదిరిపోయే శుభవార్త!

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI తన కస్టమర్లకు తీపికబురు అందించింది. కారు లోన్, బంగారంపై రుణాలు తీసుకునే వారికి ఊరట కలిగే ప్రకటన చేసింది. హోమ్ లోన్స్ మాదిరిగానే కారు రుణాలపై కూడా ప్రాసెసింగ్ ఫీజు మాఫీ చేస్తున్నట్లు ఎస్‌బీఐ తెలిపింది. అంతేకాకుండా కారు ఆన్‌రోడ్ ధరలో 90 శాతం మొత్తాన్ని సమానంగా బ్యాంక్ నుంచి రుణం పొందొచ్చు. ఇంకా యోనో ద్వారా కారు లోన్ అప్లై చేసుకుంటే 25 బేసిస్ పాయింట్ల తగ్గింపు సొంతం చేసుకోవచ్చు. 7.5 శాతం నుంచి కారు రుణాలు పొందొచ్చు.

Also Read: undefined

అలాగే గోల్డ్ లోన్ కస్టమర్లకు కూడా బ్యాంక్ తీపికబురు అందించింది. గోల్డ్ లోన్స్‌పై వడ్డీ రేట్లను 75 బేసిస్ పాయింట్ల మేర తగ్గించేసింది. దీంతో బ్యాంక్‌లో గోల్డ్ లోన్స్‌పై వడ్డీ రేటు 7.5 శాతం నుంచి ప్రారంభమౌతోంది. అలాగే యోనో ద్వారా అప్లై చేసుకుంటే ప్రాసెసింగ్ ఫీజు ఉండదు. వ్యక్తిగత రుణాలు తీసుకుంటే కోవిడ్ వారియర్స్‌కు 50 బేసిస్ పాయింట్ల వడ్డీ రేటు తగ్గుతుంది.

ఇకపోతే ఎస్‌బీఐ కొత్త స్కీమ్ తీసుకువచ్చింది. 75వ ఇండిపెండెన్స్ డే సందర్భంగా ఈ పథకాన్ని ఆవిష్కరించింది. దీని పేరు ఎస్‌బీఐ ప్లాటినం డిపాజిట్స్. ఈ స్కీమ్ సెప్టెంబర్ 14 వరకు మాత్రమే అందుబాటులో ఉంటుంది. ఈ స్కీమ్‌లో చేరిన వారికి 0.15 శాతం అధిక వడ్డీ లభిస్తుంది. స్కీమ్ టెన్యూర్ 75 రోజులు, 75 వారాలు, 75 నెలలుగా ఉంది.