Rupee | దేశీ స్టాక్ మార్కెట్‌లో కొత్త రికార్డులు క్రియేట్ అయ్యాయి. నిఫ్టీ నయా రికార్డ్‌ను నెలకొల్పితే.. సెన్సెక్స్ కూడా డబుల్ సెంచరీతో దుమ్మురేపింది. దీనికితోడు అమెరికా డాలర్‌తో పోలిస్తే రూపాయి కూడా బలపడింది. క్రూడ్ ధరలు దిగొచ్చాయి.
Samayam Telugu13 Jan 2020, 4:16 pm
దేశీ స్టాక్ మార్కెట్ దుమ్ముదులిపింది. బెంచ్‌మార్క్ సూచీలు సోమవారం సరికొత్త రికార్డులతో దూసుకెళ్లాయి. ఆల్‌టైమ్ గరిష్ట స్థాయిలకు పరుగులు పెట్టాయి. ఐటీ రెండో దిగ్గజమైన ఇన్ఫోసిస్ అదిరిపోయే ఆర్థిక ఫలితాలు ప్రకటించడం ఇందుకు కారణం. ఐటీ, మెటల్ షేర్లలో కొనుగోళ్ల జోరు కనిపించింది.
Samayam Telugu
ఇంట్రాడేలో బీఎస్‌ఈ సెన్సెక్స్ 300 పాయింట్ల లాభంతో 41,900 పాయింట్లను తాకింది. ఇది ఆల్‌టైమ్ గరిష్ట స్థాయి. ఎన్ఎస్‌ఈ నిఫ్టీ కూడా 81 పాయింట్ల లాభంతో 12,338 పాయింట్లను టచ్ చేసింది. ఇది కూడా జీవిత కాల గరిష్ట స్థాయి. చివరకు సెన్సెక్స్ 260 పాయింట్ల లాభంతో ఆల్‌టైమ్ క్లోజింగ్ గరిష్ట స్థాయి అయిన 41,860 వద్ద, నిఫ్టీ 73 పాయింట్ల లాభంతో 12,330 పాయింట్ల గరిష్ట స్థాయి వద్ద క్లోజయ్యింది.
✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు తగ్గాయి. బ్రెంట్ క్రూడ్ ధర బ్యారెల్‌కు 0.09 శాతం తగ్గుదలతో 64.92 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 0.03 శాతం క్షీణతతో 59.03 డాలర్లకు తగ్గింది.
✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 10 పైసలు లాభంతో 70.83 వద్ద కదలాడుతోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
