రివర్స్ గేర్ లో పయనించిన స్టాక్ మార్కెట్లు

స్టాక్ మార్కెట్లు ఉన్నట్లుండి అమాంతంగా పడిపోయాయి. నిన్నటి వరకు ఆకాశమే హద్దుగా లాభాల బాటలో పయనించిన స్టాక్ మార్కెట్లు మంగళవారం రివర్స్ వేసి ఒక్కసారిగా నష్టాల వైపు పయనించారు. ఉదయం ట్రేడింగ్ ప్రారంభమైన గంటన్నర వరకు సెన్సెక్స్ 100 పాయింట్ల లాభంలో కనిపించింది. ఈ సయయంలో అమ్మకాల ఒత్తిడి ప్రారంభమైంది. దీంతో ట్రేడింగ్ ప్రారంభమైన గంటర్నర వ్యవధిలోనే సూచికలు నష్టాల్లో జారి పోయాయి. మధ్యాహ్నం 2 గంటల వరకు కొంత మేరకు కొనుగోళ్లు కనిపించినప్పటికీ సెన్సెక్స్ ,నిఫ్టీలు లాభాల్లో రాలేదు. ఇలా మొదలైన పతనం ట్రేడింగ్ ముగిసే వరకు కొనసాగింది. ట్రేడింగ్ ముగిసే సమయానికి సెన్సెక్స్ 57.64 పాయింట్లకు పడిపోయి 26,668 పాయింట్ల వద్ద ట్రేడ్ అయింది. ఇక నిష్టీ విషయానికి వస్తే ట్రేడింగ్ ముగిసే సమయానికి నిఫ్టీ 18.40 పాయింట్లు నష్టపోయి 8,160 వద్ద ట్రేడింగ్ ముగిసింది. స్టాక్ మార్కెట్లు ఇలా అమాంతంగా పడిపోవడానికి కారణం విదేశీ ఇన్వెస్టర్లు పెట్టుబడులు ఉపసంహరించుకోవడమేనని విశ్లేషకులు అభిప్రాయపడుతున్నారు.

మంగళవారం మొత్తం 2 వేల 732 కంపెనీలు ట్రేడింగ్ లో పాల్గొనగా.. వాటిలో 998 కంపెనీలు లాభాల బాటలో పయనించాయి. మిగిలిన 1,568 కంపెనీలు నష్టాలను చవిచూశాయి. మార్కెట్ లో పెట్టుబడులు పెట్టిన అరబిందో ఫార్మ, టాటా మోటార్స్ , టాటా స్టీల్స్, ఎస్ బిఐ తదితర కంపెనీలు లాభాల బాటలో పయనించాయి. సన్ ఫార్మా, టీసీఎస్, గెయిల్, బీపీసీఎల్, ఇన్ ఫ్రాటెల్ తదితర కంపెనీలు నష్టాలను చవిచూశాయి. సోమవారం రోజు 99,57,642 కోట్లుగా ఉన్న మార్కెట్ కాప్ మంగళవారం రోజు 99,29,603 కోట్లకు తగ్గింది.