నష్టాలతో ముగిసిన స్టాక్ మార్కెట్లు

వారాంతంలో దేశీయ స్టాక్ మార్కెట్లు నష్టాలతో ముగిశాయి. శుక్రవారం సెన్సెక్స్ 105 పాయింట్లు నష్టపోయి 28,668 వద్ద ముగిసింది. నిఫ్టీ 36 పాయింట్లు నష్టంతో 8,831 వద్ద ముగిసింది. బ్యాంకింగ్ రంగ షేర్లలో అమ్మకాల ఒత్తిడి భారీగా కనిపించింది. యాక్సిస్ బ్యాంక్ షేర్లు 6% పతనమయ్యాయి. కెనరా బ్యాంక్, ఐసీఐసీఐ, పంజాబ్ నేషనల్, స్టేట్ బ్యాంక్ ఆఫ్ ఇండీయా, ఎస్ బ్యాంకుల షేర్లు నష్టపోయాయి. వీటితో పాటు ఏసిసి, అంబుజా సిమెంట్, టాటా మోటార్స్, లుపిన్ షేర్లు నష్టపోయాయి. కాగా, ఆయిల్ మరియు గ్యాస్, ఫార్మా షేర్లు లాభపడ్డాయి. యూఎస్ డాలర్ తో రూపాయి మారకం విలువ రూ. 66.65 వద్ద స్థిరపడింది.