Sukanya Samriddhi Yojana: 21 ఏళ్లకే మీ అకౌంట్లోకి రూ.51 లక్షలు.. సుకన్య సమృద్ధిలో నెలకు ఎంత కట్టాలో తెలుసా?

Sukanya Samriddhi Yojana: సుకన్య సమృద్ధి యోజన లేదా సుకన్య సమృద్ధి అకౌంట్ (SSY) గురించి చాలా మందికి తెలిసే ఉంటుంది. చిన్న పొదుపు పథకాల్లో ఇన్వెస్ట్ చేసే వారికి ఇది సుపరిచితమే. భారత ప్రభుత్వం అందిస్తున్న పథకాల్లో ఇది ఒకటి. ఆడపిల్లకు ఆర్థిక ప్రోత్సహం అందించే ఉద్దేశంతో కేంద్ర ప్రభుత్వం ఈ పథకాన్ని ప్రవేశపెట్టింది. ఇది రిస్క్ ఫ్రీ ఇన్వెస్ట్‌మెంట్ ఆప్షన్. ఇందులో ఆడపిల్ల 14 ఏళ్ల వయసు వచ్చేసరికి ఇందులో ఇన్వెస్ట్ చేయొచ్చు. ఇక ఆ అకౌంట్ హోల్డర్‌కు 18 ఏళ్ల వయసు వచ్చే సరికి మెచ్యూరిటీ అమౌంట్‌లో 50 శాతం వరకు విత్‌డ్రా చేసుకోవచ్చు. ఇక 21 ఏళ్లు వచ్చే సరికి మొత్తం మెచ్యూరిటీ అమౌంట్ వస్తుంది. స్మాల్ సేవింగ్ స్కీమ్స్‌లో (Small Saving Schemes) మంచి పథకాల్లో ఇదొకటిగా చెప్పొచ్చు.

ఇక ప్రస్తుతం సుకన్య సమృద్ధి అకౌంట్‌లో వడ్డీ రేటు 8 శాతంగా ఉంది. ఇది ప్రతి త్రైమాసికానికి ఒకసారి చెల్లిస్తుంది. ఇక ఏప్రిల్- జూన్ త్రైమాసికానికి ఇటీవల చిన్న పొదుపు పథకాలకు కేంద్ర ప్రభుత్వం వడ్డీ రేట్లను పెంచేసింది. అంతకుముందు 7.60 శాతంగా ఉండగా.. 40 బేసిస్ పాయింట్ల మేర పెరిగి 8 శాతానికి చేరింది. దీంతో ఈ పథకాల్లో ఇన్వెస్ట్ చేసే వారికి మరింత బూస్ట్ ఇచ్చినట్లయింది.

సుకన్య సమృద్ధి యోజన కేవలం ఇంట్లో ఆడపిల్లలకే వర్తిస్తుంది. గరిష్టంగా ఇంట్లో ఇద్దరు ఆడపిల్లలకు ఈ అవకాశం ఉంటుంది. ఇక పాప పుట్టిన వెంటనే ఈ సుకన్య సమృద్ధిలో చేరితే 15 సంవత్సరాల వరకు పెట్టుబడి పెట్టేందుకు అవకాశం ఉంటుంది. అంటే ఆమెకు అప్పటికి 14 ఏళ్లు నిండుతాయి. ఆర్థిక సంవత్సరంలో గరిష్టంగా రూ.1.50 లక్షల వరకు ఇన్వెస్ట్ చేయొచ్చు. కనీసం మీ ఇష్టం ఉన్నంత కట్టుకోవచ్చు. దగ్గర్లోని పోస్టాఫీస్ లేదా బ్యాంక్‌లో ఈ ఖాతా తెరవొచ్చు. రూ. 250తో అకౌంట్ ఓపెన్ అవుతుంది.

సుందర్ పిచాయ్ ఇంటిని కొన్న నటుడు.. తండ్రి కన్నీటి పర్యంతం.. ఎందుకంటే?

రూ. 2 వేల నోటు ఉపసంహరణతో కలిగే లాభాలు ఇవే.. కేంద్రం అసలు స్కెచ్ అదేనా?

ఇంకా ఆదాయపు పన్ను చట్టంలోని సెక్షన్ 80(C) కింద పన్ను ప్రయోజనాలు కూడా పొందొచ్చు. ఏటా గరిష్టంగా రూ.1.50 లక్షల వరకు పన్ను ప్రయోజనాలు పొందొచ్చు. ఇక ఇందులో నెలకు రూ.10 వేల చొప్పున ఇన్వెస్ట్ చేస్తే సంవత్సరానికి రూ.1.20 లక్షలు అవుతాయి.

ఇక ఇన్వెస్ట్‌మెంట్ పరంగా చూసినట్లయితే ఏటా రూ.1.20 లక్షలు కట్టారనుకోండి. మొత్తం 15 సంవత్సరాల లెక్కన మీరు రూ.18 లక్షలు కట్టాల్సి ఉంటుంది. ఇక దీనిపై వడ్డీనే రూ.33,03,707 వస్తుంది. అంటే రూ. 33 లక్షలకుపైగా వడ్డీనే వస్తుంది. ఇక పాప పుట్టిన వెంటనే ఈ స్కీమ్‌లో చేరి ఏటా రూ.1.20 లక్షలు 15 సంవత్సరాల వరకు కడితే.. పాపకు 21 ఏళ్లు వచ్చే సరికి చేతికి మొత్తం రూ.51 లక్షలు అందుతాయి. ఇక నెలకు రూ.5 వేల చొప్పున ఇన్వెస్ట్ చేస్తే గనుక మెచ్యూరిటీ సమయానికి చేతికి రూ .25 లక్షల వరకు అందుతాయి. ఇక ప్రస్తుతం ఉన్న 7.6 శాతం వడ్డీ యావరేజ్‌గా తీసుకుంటే ఇంత వస్తుంది. ఇక వడ్డీ రేట్లను పెంచితే మాత్రం ఇంకా ఎక్కువే అందుతుంది.

• ఇన్ఫోసిస్ షాకింగ్ నిర్ణయం.. బాధలో ఐటీ ఉద్యోగులు.. మరీ ఇలా చేస్తుందని అనుకుంటారా?

ఐసీఐసీఐ బ్యాంక్ కీలక ప్రకటన.. నేటి నుంచే ఈ నిర్ణయం అమల్లోకి..