Interest Rates: సేవింగ్స్ అకౌంట్‌ స్పెషల్ స్కీం.. అత్యధికంగా 7 శాతం వడ్డీ.. క్యాష్‌బ్యాక్స్, రివార్డ్స్ మరెన్నో బెనిఫిట్స్..!

Interest Rates: సూర్యోదయ్ స్మాల్ ఫైనాన్స్ బ్యాంక్ (Suryoday Small Finance Bank) ఒక కొత్త సేవింగ్స్ అకౌంట్ స్కీంను తీసుకొచ్చింది. ఇది మహిళలకే ప్రత్యేకం. దీనిని Blossom Womens savings account అని పిలుస్తోంది. ఈ అకౌంట్ ఉన్నవారికి డెబిట్ కార్డు సహా మరెన్నో బెనిఫిట్స్ అందిస్తోంది. సేవింగ్స్ అకౌంట్లపై 7 శాతం వరకు వడ్డీ సహా క్యాష్‌బ్యాక్‌లు, రివార్డులు కూడా ఇస్తుండటం గమనార్హం. పిల్లలకు కాంప్లిమెంటరీ కింద కాంప్లిమెంటరీ అకౌంట్‌ను కూడా ఆఫర్ చేస్తోంది. ఆ వివరాలేంటి? వడ్డీ రేట్లు సంగతేంటి? సహా ఇతర వివరాలను ఇప్పుడు తెలుసుకుందాం.

ఇక బ్లాసొమ్ ఉమెన్స్ సేవింగ్స్ అకౌంట్ కింద.. వడ్డీ రేటును నెలనెలా జమ చేస్తుంటుంది సూర్యోదయ్ స్మాల్ ఫైనాన్స్ బ్యాంక్. ఇక వార్షిక ప్రాతిపదికన 7 శాతం చొప్పున వడ్డీ అందిస్తోంది. ఈ మేరకు బ్యాంక్ పత్రికా ప్రకటనలో వెల్లడించింది. ఇది రూపే ప్లాటినమ్ డెబిట్ కార్డును ఆఫర్ చేస్తోంది. షాపింగ్స్, ఆన్‌లైన్ కొనుగోళ్లపై డిస్కౌంట్లు, క్యాష్‌బ్యాక్‌ల పేరుతో రివార్డ్స్ ఉన్నాయి. ఇంకెన్నో అదనపు ప్రయోజనాలు కూడా దక్కుతాయి.

IDFC First Bank: సేవింగ్స్ అకౌంట్ వడ్డీ రేట్లు పెంపు.. ఈ బ్యాంకు‌లో డబ్బులుంటే ఎక్కువ లాభం.. ఎలా అంటే? Tata Play Binge: డిస్నీ ప్లస్ హాట్‌స్టార్, Sony Liv, Zee5 సహా 18 ఓటీటీలు.. కేవలం రూ.199కే.. ఆఫర్ అదిరింది!

ఈ మహిళా సేవింగ్స్ అకౌంట్ కింద ప్రయోజనాలు ఏం దక్కనున్నాయో ఇప్పుడు తెలుసుకుందాం.

మహిళలకు షాపింగ్స్, ఆన్‌లైన్ లావాదేవీలకు మంచి క్యాష్‌బ్యాక్స్, డిస్కౌంట్లతో కలిగిన Rupay Platinum Debit Card ను ఆఫర్ చేస్తోంది.

నెలవారీగా బ్యాంక్ అకౌంట్‌లో వడ్డీ జమ అవుతుంది.

పిల్లల కోసం కాంప్లిమెంటరీ అకౌంట్ వస్తుంది. దీనిని Savings Aditya Account అని పిలుస్తున్నారు.

2- వీలర్ లోన్‌పై ప్రాసెసింగ్ ఫీజులో రాయితీ (ఎంపిక చేసిన నగరాల్లో మాత్రమే)

డోర్ స్టెప్ బ్యాంకింగ్ సేవలు

డెబిట్ కార్డు వేరియంట్‌ను బట్టి ఇన్సూరెన్స్ సేవలు

నెలవారీగా సగటున మెయింటెయిన్ చేయాల్సిన బ్యాలెన్స్ రూ.10000

ఫ్రీ కపుల్ మూవీ టికెట్స్ యాడ్ ఆన్ వోచర్ లేదా Spa/Salon యాడ్ ఆన్ వోచర్

ఇక సూర్యోదయ్ స్మాల్ ఫైనాన్స్ బ్యాంక్.. చాలా సేవింగ్స్ అకౌంట్లను అందిస్తోంది. ఇందులో సేవింగ్స్ ఉజ్వల్, సేవింగ్స్ ఆదిత్య, సేవింగ్స్ క్లాసిక్, సేవింగ్స్ సుప్రీం, సేవింగ్స్ హెల్త్ అండ్ వెల్‌నెస్, బేసిక్ సేవింగ్స్ బ్యాంక్ డిపాజిట్ అకౌంట్ వంటివి ఉన్నాయి.

ఈ బ్యాంక్ సేవింగ్స్ అకౌంట్ వడ్డీ రేట్ల విషయానికి వస్తే.. రూ. లక్ష వరకు బ్యాలెన్స్ మెయింటెయిన్ చేస్తే.. 3.75 శాతం వడ్డీ ఆఫర్ చేస్తోంది సూర్యోదయ SFB. రూ. లక్ష నుంచి 5 లక్షల వరకు బ్యాలెన్స్ ఉంటే.. 6.75 శాతం వడ్డీ వస్తుంది. రూ. 5 లక్షల నుంచి రూ.50 లక్షల వరకు అలాగే.. రూ. 50 లక్షల నుంచి రూ.2 కోట్ల వరకు బ్యాలెన్స్ ఉంటే వారికి 7 శాతం వడ్డీ ఆఫర్ చేస్తోంది.

Signature Bank: బ్యాంకింగ్ రంగంలో ప్రకంపనలు.. కుప్పకూలిన మరో బ్యాంక్.. మూసివేత.. డిపాజిటర్లకు బైడెన్ హామీ!

• Read Latest Business News and Telugu News