SVB bankruptcy: ఆ దిగ్గజ బ్యాంక్ పతనం.. Tech రంగంలో పెను సంక్షోభం.. మేం ఆదుకుంటాం అంటూ..!

SVB bankruptcy: అమెరికా సిలికాన్ వ్యాలీ బ్యాంక్ దివాలా తీసిన సంగతి తెలిసిందే. ఇదే క్రమంలో ప్రపంచదేశాల్లో బ్యాంకింగ్ షేర్లు పెద్ద ఎత్తున కుదేలవుతున్నాయి. ఇప్పుడు ఈ SVB బ్యాంక్ పతనంపై ఇజ్రాయెల్ దేశ ప్రధాని Benjami నెతన్యాహు స్పందించారు. ఈ ఉదంతం ఇప్పుడు సాంకేతిక రంగంలోనే పెను సంక్షోభాన్ని సృష్టించిందని కీలక వ్యాఖ్యలు చేశారు. ఇప్పుడు నియంత్రమ సంస్థలు అమెరికాలోని svb బ్యాంక్‌ను మూసివేసి.. ఆస్తులు జప్తు చేసుకున్నాయి. ఇక 2008 వాషింగ్టన్ మ్యూచువల్ తర్వాత.. అమెరికన్ బ్యాంకింగ్ వ్యవస్థలోనే అదే అతిపెద్ద బ్యాంకింగ్ వైఫల్యంగా చెబుతున్నారు. దీంతో ప్రపంచ దేశాల్లో ఆందోళన నెలకొంది. ఆయా రంగాల్లో అంతర్గత సమావేశాలు కూడా నిర్వహిస్తున్నారు. ఇప్పుడు దీనిపై స్పందించారు నెతన్యాహు.

సిలికాన్ వ్యాలీ బ్యాంక్ పతనాన్ని తాను అత్యంత దగ్గరగా పరిశీలిస్తున్నానని చెప్పారు ఇజ్రాయెల్ ప్రధాని. ఇది టెక్ ప్రపంచంలో ఇప్పుడు పెద్ద సంక్షోభానికి కారణమైంది అని అన్నారు. ''svb పతనాన్ని దగ్గరగా పరిశీలిస్తున్నా. ఇజ్రాయెల్ టెక్ రంగం నిపుణులతో దీని గురించి నిరంతరం సంప్రదింపులు జరుపుతున్నా. ఈ కారణంతో ఇజ్రాయెల్ టెక్ కంపెనీలు సహా ఇతర ఉద్యోగులపై ఏదైనా ప్రభావం ఉందో కనుగొంటున్నాం. ఒకవేళ అదే పరిస్థితి ఉంటే గనుక వారిని రక్షించేందుకు బాధ్యతాయుత చర్యలు తీసుకుంటాం. క్యాష్ ఫ్లో కు సంబంధించి ఎలాంటి ఇబ్బందులు ఎదురుకాకుండా చూస్తాం. ప్రస్తుతానికి ఇజ్రాయెల్ ఆర్థిక వ్యవస్థ బలంగా, స్థిరంగా ఉంది.'' అని అన్నారు నెతన్యాహు.

Hyderabad చుట్టుపక్కల Plots ఏమైనా కొంటున్నారా? ఇలాంటి మోసాలు చేస్తున్నారు జాగ్రత్త.. Elon Musk: కుప్పకూలిన బ్యాంక్.. బ్యాంకింగ్ షేర్లు కుదేలు.. కొనేందుకు ముందుకొచ్చిన ఎలాన్ మస్క్.. కీలక ప్రకటన!

రోమ్ పర్యటనలో ఉన్న నెతన్యాహు.. తాను స్వదేశానికి (ఇజ్రాయెల్) తిరిగి వచ్చాక వెంటనే దేశ ఆర్థిక మంత్రి సహా కేంద్ర బ్యాంక్ గవర్నర్‌తో చర్చిస్తానని అన్నారు. SVB తో ఆర్థిక సంబంధాలు ఉన్న ఇజ్రాయెల్ టెక్ కంపెనీలకు ఎలాంటి నిధుల సమస్య లేకుండా చూస్తామని భరోసా కల్పించారు.

ఇక SVB బ్యాంక్.. శాంతాక్లారా కేంద్రంగా కార్యకలాపాలు సాగించే SVB ఫైనాన్షియల్ గ్రూప్ అనుబంధ సంస్థ. అమెరికాలోనే ఇది 16వ అతిపెద్ద బ్యాంక్.

SVB Crisis: సీఈఓ షేర్లు అమ్మేసిన 10 రోజులకే 'బ్యాంక్' దివాలా.. అన్నీ తెలిసే చేశారా?

• Read Latest Business News and Telugu News